O Concello da Guarda, a través da Agrupación Musical da Guarda ofrecerá no mes de decembro ata catro masterclass impartidas polos mestres dos conservatorios de Vigo e A Coruña: Hansel Luis Díez, José Antonio González Guevara, Asterio Leiva Piñeiro e Rafael Yebra. As clases que se desenvolverán durante os días 7 de decembro e 14 de decembro van destinadas aos músicos residentes dos concellos da Guarda, o Rosal e Caminha, estando aberta a posibilidade de inscribirse como oíntes, interesados doutros concellos.
Os obxectivos deste programa están destinados a complementar a capacitación dos músicos destes tres municipios, que contan cunha importante tradición musical e nas que as respectivas agrupacións desempeñan un papel protagonista e dinamizador desta tradición. Buscando así mismo enriquecerse co encontro e intercambio de coñecementos entre as entidades dos diferentes municipios e de ambos países.
Ao presentarse en formato masterclass búscase dotar da oportunidade de complementar a formación regrada nos respectivos centros e formacións musicais, tendo a oportunidade de contar con docentes externos de recoñecido prestixio. De modo que o programa formativo quedaría do seguinte xeito
O programa previsto é o seguinte:
• Sábado 7 decembro 2024.- Vento Metal
◦ Mestre: Hansel Luis Diez. Profesor de trompeta/Jazz do Conservatorio Superior de Música da Coruña
Horario: 10:00 – 13:00h // Tarde 15:00 – 18:00h
Lugar: Salón de actos do Centro Cultural (Rúa Rosalía de Castro, 12)
• Sábado 7 decembro 2024.- Percusión
◦ Mestre: José Antonio González Guevara. Profesor de percusión da Escola Municipal de Música da Coruña e do Conservatorio Profesional Presto-Vivace da Coruña
Horario: 10:00 – 13:00h // Tarde 15:00 – 18:00h
Lugar: Local ensaio da Agrupación Musical da Banda
• Sábado 7 decembro 2024.- Audición conxunta final Mestres e Alumnos Vento e Percusión
18:00h. No Centro Cultural da Guarda ( Rúa Rosalía de Castro, 12)
• Sábado 14 decembro 2024.- Clarinete
◦ Mestre: Asterio Leiva Piñeiro. Profesor de clarinete do Conservatorio Superior de Música de Vigo
Horario: 10:00 – 14:00
Lugar: Casa dos Alonso (Praza do Reló, 4-5)
• Sábado 14 decembro 2024.- Saxofón.
◦ Mestre: Rafael Yebra Rivera. Profesor de saxofón do Conservatorio Superior de Música de Vigo
Horario: 10:00 – 13:00h // Tarde 15:00 – 18:00h
Lugar: Salón de actos do Centro Cultural (Rúa Rosalía de Castro, 12)
Os interesados en participar deben inscribirse previamente no formulario web que se pode atopar aquí: https://forms.gle/X88KkuqjQ3hdtvYX7
A actividade está enmarcada dentro do proxecto transfronteirizo na 2º Convocatoriao do POCTEP 2021-2027 – Prioridade 7 para dinamizar e crear sinerxias culturais entre os concellos da Guarda, Caminha e O Rosal e terá como colofón final a realización dun intercambio entre as tres Agrupacións Musicais o día 21 de decembro na Cámara Municipal de Caminha
No programa adxunto podedes ampliar a información sobre os docentes e o contido do programa formativo
