Comezan as obras de recuperación do espazo para uso peonil na Rúa Forca por un importe de máis de 540.000€

A Alcaldesa de Salvaterra de Miño, Marta Valcárcel, xunto ó Concelleiro de Obras, Ernesto Groba, supervisan o inicio das obras en rúa Forca. Unha obra financiada a través do Programa Provincial de Infraestruturas e Dotacións Singulares para a execución da Axenda 2030 da Deputación de Pontevedra por un valor de 432.332,88€ e cofinanciada polo Concello de Salvaterra de Miño, a través do Plan + Provincia, por un importe de 108.083,22€.
Esta actuación enmarcase dentro da liña 3 do PON2030, na recuperación, mellora, urbanización ou reurbanización de espazos públicos co obxectivo de darlles un uso plural, amable e de fomentar a estancia e as movilidades alternativas, na liña de cumprimento dos Principios Ágora, establecidos pola Deputación de Pontevedra na Rede de Concellos Ágora polo Espazo Público.
Este proxecto busca a humanización de espazos onde o peón gañe protagonismo, aumentando o espazo peonil, e contribuido a unha economía descarbonizada mediante a eliminación de emisión de dióxido de carbono, contribuíndo a consecución dos obxectivos fixados na Axenda 2030, todo isto coa demolición das beirarrúas existentes, para a construcción dunhas novas, conseguido así unha anchura continua e axeitada á normativa vixente en materia de accesibilidade.
A zona de actuación conta cunha lonxitude de 126 metros na rúa Forca e de 77 metros en Rosalía de Castro, cun ancho variable entre os 4,50 e os 18 metros.
Segundo as características da rúa que serve de atallo para os vehículos que tratan de saír ou entrar en Salvaterra dende a estrada de Ponteareas, proponse a eliminación do tráfico e a humanización de dita rúa. Por outra parte, na rúa Rosalía de Castro preténdese gañar espazo para o peón coa creación de beirarrúas cun ancho mínimo de 2,5 metros.
Proponse a ampliación das beirarrúas e a reducción do ancho da calzada, seguindo os criterios para a redacción de proxectos de mobilidade amable e recuperación de espazos públicos.
Praza da Constitución, nº1. Salvaterra de Miño. 36450 PONTEVEDRA Tlfs: 986 65 81 26 – 986 65 80 82 comunicacion@concellodesalvaterra.org
Como pavimento na zona de vehículos de Rosalía de Castro plantéxase unha solución en mestura bituminosa en quente e para as beirarrúas proponse un pavimento de lousa de pedra granítica en cor con dimensión de 60x40x8cm, que para dar cumprimento á normativa de accesibilidade disporase dun pavimento podotáctil con lousa grabada con sesaltos cilíndricos tipo botón e resaltos rectangulares tipo pastillas.
Na rúa Forca eliminarase o pavimento bituminoso existente e substituirase polo pavimento de lousa granítica e un eixo central en formigón coreado cepillado, co obxectivo de priorizar o uso peonil, pero respectando en todo momento a entrada de vehículos as vivendas.
Instalaranse novas luminarias LED sobre báculo para a iluminación da rúa Forca, renovaranse as tubaxes de saneamento e abastecemento e levarase a cabo o soterramento de liñas de telecomunicación, baixa tensión e o alumeado e telecomunicacións municipais.
A actuación completarase coa colocación de mobiliario urbano composto por bancos e xardineiras.