Home Deputacións Deputación Pontevedra A Deputación ofrece no Museo de Pontevedra un obradoiro gratuíto de fabricación...

A Deputación ofrece no Museo de Pontevedra un obradoiro gratuíto de fabricación de xoguetes

- Anuncio -

A actividade para todos os públicos, enmarcada na exposición “É tempo de xogar”, permanecerá aberta ata o próximo martes 7 de xaneiro durante todo o horario de apertura do Museo

A Deputación de Pontevedra mantén aberto ata o próximo martes 7 de xaneiro no Museo de Pontevedra o obradoiro “Fabrica o teu xoguete”, enmarcado na exposición temporal “É tempo de xogar”. A través desta actividade, calquera persoa que se achegue á mostra poderá fabricar o seu propio xoguete para levar á casa. Trátase dunha actividade de acceso libre e dispoñible durante todo o horario de apertura do Museo. Está xestionada polo departamento de Educación do Museo e non require inscrición previa.

“É tempo de xogar. Colección Juan Manuel Alfaya Ocampo” é unha escolma de 170 pezas das máis de 700 que reuniu nos últimos anos o coleccionista redondelán, un interesante conxunto de máis de 700 xoguetes antigos de fabricación española e internacional, e estará aberta ata o 9 de febreiro no claustro do Edificio Sarmiento. O propio coleccionista realiza conduce todos os mércores e venres ás 18:00 h visitas guiadas á exposición, para as que non é precisa reserva previa, salvo que se queira concertar unha visita para grupo noutro horario.

Os xoguetes que forman esta exposición foron creados entre as décadas de 1890 e 1960 e entre eles atópanse principalmente xoguetes de lata, pero tamén doutros materiais como chumbo, cartón, madeira ou plástico. Destacan os autómatas, moitos deles centenarios, que reproducen con gran realismo sorprendentes movementos. Tamén os teatros, de marcas como Schreiber, Paluzie e Pellerin-D’Espinal.

Esta mostra quere ser, desde o propio título, unha invitación a xogar dirixida ás nenas e nenos, pero tamén ás persoas adultas a unha viaxe no tempo para descubrir os obxectos cos que se divertían xeracións anteriores. As e os cativos sorprenderanse coas cores, os materiais e o enxeño destes trebellos, e as persoas maiores recoñecerán xoguetes da súa infancia cos que quizais non puideron xogar no seu día.

Relacionadas

Pazolandia consolídase como a gran cita do Nadal en familia da provincia con preto...

0
Segundo as estatísticas de asistencia elaboradas polo Servizo de Deportes da Deputación, un 10% das persoas que desfrutaron de Pazolandia procedían de fóra de...

A Deputación ultima o prazo para solicitar os máis de 200 obradoiros da nova...

0
O programa provincial de formación para as mulleres da provincia ten un orzamento superior aos 320.000 euros e ofrecerá accións centradas na tecnoloxía, a...

A Cabalgata de Reis de Soutomaior sairá esta tarde ás 18:00h.do Cruce de Pierres

0
O alcalde, Manu Lourenzo, mantivo esta mañá unha reunión urxente coas Súas Maxestades, e ambos acordaron manter a Cabalgata de Reis para esta tarde...

A Deputación comeza as actividades do Ano Castelao no Museo de Pontevedra cunha visita...

0
As actividades desenvolveranse na tarde do 7 de xaneiro, día no que se compren 75 anos da morte do artista e intelectual galeguista O Museo...

A Deputación renova o programa Voando nas Rías Baixas, con sete rutas ornitolóxicas durante...

0
Da man de SEO/BirdLife, as actividades comezarán o próximo 2 de febreiro en Nigrán e, como novidade, inclúese unha nova ruta pola costa sur...

A Xunta comproba o avance das obras da nova residencia e centro de día...

0
O Goberno galego achegou máis de 130.000 euros ao soterramento da liña eléctrica que estaba instalada na parcela na que se constrúe o centro O...

Publicacións Relacionadas