O director de Turismo de Galicia, Xosé Merelles, mantivo un encontro co presidente da Asociación Galega de Albergues Privados (Agalber), Miguel Ángel Rodríguez, no que abordaron a posibilidade dunha futura colaboración nos eidos da formación e xestión de albergues.
Durante a xuntanza, Xosé Merelles salientou a posibilidade de establecer un ámbito de traballo conxunto con accións de formación dirixidas ao persoal que atende estes establecementos e tamén no eido da gobernanza e xestión de albergues.
