Suma máis de 700 unidades achegadas á veciñanza nos derradeiros anos, sendo o municipio da provincia que máis aposta por este modelo de compostaxe
Os interesados deben solicitalo no mail conserxeria@nigran.org indicando o seu teléfono, sendo requerimento imprescindible estar empadroando en Nigrán
O Concello de Nigrán iniciou o reparto gratuíto de 250 novos composteiros individuais entre a veciñanza que figuraba en lista de agarda e para aquela outra que o desexe soliciar agora no mail conserxeria@nigran.org (imprescindible indicar teléfono de contacto). Os interesados deben estar empadroados no municipio e contar con finca ou xardín, ademais de non ter recibido outro anteriormente. A entrega realizarase segundo rigorosa orde de inscrición ata esgotarse a remesa e adquiriránse máis en caso de que exista maior demanda.
O Concello de Nigrán achegou nos anos pasados máis de 700 unidades entre a veciñanza que o requiríu, sendo con estas cifras o municipio da provincia que máis aposta por este modelo de compostaxe. O goberno local incentiva este tipo de tratamento dos residuos orgánicos en cada fogar porque forma parte da denominada economía circular e dunha das estratexias locais para o desenvolvemento dos ODS (obxectivos de desenvolvemento sostible).
