O grupo de Goberno informou esta mañá nunha reunión de portavoces a externalización da xestión da xestión e servizo das Termas das Burgas coa intención de facelas máis eficientes para a cidadanía ourensá.
Non será a primeira vez que se externalice este servizo xa que isto xa fora feito polo Bng cando tivo responsabilidades de goberno na área de Termalismo.
Esta externalización vai incluír a xestión das Termas das Burgas, dos apartamentos turísticos municipais, unha zona de hostelería na parte superior e a apertura ao público e guía dos restos arqueolóxicos.
Ademais, o grupo de goberno comunicoulle aos portavoces municipais que decidiran non abrir este espazo termal das Burgas polo cambio de xestión mais tamén porque houbo unha neglixencia técnica na reforma integral que vén de se acometer.
O proxecto, contratado no anterior mandato pola concelleira de Termalismo, Flora Moure, así como os técnicos da área de Termalismo e o xefe de obra non contemplaron a impermeabilización integral de vaso – só do fondo- excluíndo os laterais, e o xefe de obra non detecta fugas de auga ata que a obra foi concluída polo que xa non pode facer modificacións.
Se se decidise abrir igualmente, suporía unha perda diaria de 200 litros o que xeraría un problema non só de perda de auga senón tamén porque levaría ao límite o funcionamento das máquinas.
O Goberno municipal levará ao pleno de marzo esta propostas de xestión e a empresa concesionaria sería a encargada de poñela en marcha.
Desde o goberno agardan que o Espazo termal das Burgas estea en funcionamento este 2025 e que, aínda que a xestión sexa privada, contará con bonos para os residentes
