As persoas e empresas interesadas poderán optar a 12 lotes de explotación do espazo, un por cada mes do ano
O Concello da Coruña vén de publicar nos ultimos días os pliegos para optar á xestión e explotación da planta superior do mercado municipal de San Agustín para a súa dinamización a través da organización de mercadillos, feiras, accións de ocio e todo tipo de eventos. “Desde o Goberno de Inés Rey seguimos a encher espazos emblemáticos da cidade con actividades para todos os públicos, dando a oportunidade ás entidades e emprendedores da cidade de promover eventos tal e como vimos facendo nos últimos anos”, sinala Diana Cabanas, concelleira de Emprego, Comercio e Mercados.
A explotación da planta superior de San Agustín permite, ademais, dar a coñecer os produtos e distintos postos que tenen actividade neste mercado, tanto no interior como no exterior, onde grazas á acción do Goberno de Inés Rey a meirande parte dos espazos están ocupados e a pleno funcionamento. “Buscamos contar con eventos de caracter innovador, favorecendo as actividades comerciais e poñendo en valor o pequeno comercio”, indicou Diana Cabanas.
A esta oferta de explotación, á que se pode optar mediante concorrencia competitiva, poderán presentarse proxectos de mercadillos gastronómicos, artísticos, culturais, artesanais, sostibles, de artículos vintage ou de segundamano, feiras de economía social e outro tipo de eventos. As persoas ou empresas interesadas poderán optar a 12 lotes, coincidindo con 12 fins de semana, preferentemente un ao mes. As entidades licitadoras poderán concurrir ata un máximo de seis dos 12 lotes. A duración da concesión será dun ano, puidendo ser prorrogada por dous anos máis.
As entidades interesadas teñen un prazo de 30 días hábiles, desde a publicación no BOP da convocatoria o pasado venres 31 de xaneiro,para presentar as súas ofertas. Os pliegos da licitación poden ser consultados na páxina web do Concello da Coruña. O Concello vén fomentando todo tipo de eventos nesta planta superior do mercado municipal de San Agustín nos últimos anos, como por exemplo o Mercado das Nubes, Rebel Wine ou Bocatise, así como exposicións como a dos proxectos da Bienal de Arquitectura.
