O Concello fai un chamamento ao civismo e retirará as casetas danadas, que veñen sufrindo varios ataques nos últimos meses
O Concello de Fene vese na obriga de retirar as casetas situadas nas pistas de atletismo de Barallobre debido aos reiterados actos vandálicos que levan sufrindo nos últimos meses. A estrutura apareceu novamente co mobiliario esnaquizado, malia que xa foran denunciados ataques anteriores.
O concelleiro de deportes, Adán Chao, visitou as instalacións para facer unha valoraicón e lamentou a situación, subliñando que “estes actos vandálicos non só deterioran un espazo público pensado para uso e desfrute da veciñanza, senón que tamén supoñen un custo adicional para o concello”. O edil explicou que, ante a imposibilidade de garantir a súa seguridade, “vémonos na obriga de proceder á súa retirada para evitar máis danos”.
O Concello de Fene reitera o seu compromiso co mantemento das instalacións deportivas municipais e fai un chamamento ao civismo para preservar os espazos públicos.
