• Rey fai fincapé “nas árbores que, cada vez son menos, porque deixan os ocos das que tallan e non as volven plantar e, especialmente, no chan que está impracticable pola lameira e a cantidade de follas que se acumulan nas marxes”
• Os populares dan voz aos veciños que demandan á posta en valor do parque urbano a través da canle de queixas e suxestións ppmellorapontevedra@gmail.com
A concelleira do grupo municipal do Partido Popular de Pontevedra, Beatriz Rey, volve dar voz aos veciños que lle demandan á formación máis votada da cidade, a través da canle de queixas e suxestións ppmellorapontevedra@gmail.com, que urxa ao goberno local do BNG a mellorar o estado “lamentable” de abandono do mobiliario e da zona verde do parque urbano da Alameda.
A edil fixo fincapé “nas árbores que, cada vez son menos, porque deixan os ocos das que tallan e non as volven plantar e, especialmente, no chan que está impracticable pola lameira e a cantidade de follas que se acumulan nas marxes; o que traslada unha imaxe de falta de interese e neglixencia por parte do Concello”.
Unha vez máis, o PP local esíxelle ao alcalde nacionalista que “se poña a traballar” e que dea a orde de “arranxar os bancos de pedra que están rotos, na parte central da Alameda, e os contedores do lixo que, ademais de ser insuficientes, están vellos e deteriorados”.
O partido de Rafa Domínguez reclamará na próxima Comisión de Mobilidade, Infraestruturas, Obras e Servizos que os responsables municipais da “falta de mantemento dunha dos espazos verdes máis importantes da vila sexa posto en valor á maior brevidade posible”.
