– O plan provincial permitirá a instalación de placas solares na cuberta de edificios públicos garantindo un importante aforro enerxético á administración local
– A acometida de placas faríase no Pavillón Óscar Pereiro para dar cobertura eléctrica ás dependencias municipais da súa contorna: piscina, Multiusos, CEIP de Petelos, Escola Infantil da Porteliña, Biblioteca, Xuzgado e Concello
O Deputado de Acción comunitaria, e equipamientos públicos da Deputación de Pontevedra, Javier Tourís, visitou o Concello de Mos para reunirse coa alcaldesa, Nidia Arévalo, o concelleiro de Urbanismo, José Ramilo, co edil de Coordinación xeral e bo goberno, Contratación, Patrimonio, e Novas Tecnoloxías, Leo Costas e con técnicos municipais entre os que se atopaba a enxeñeira, Raquel González; para presentarlles o Plan +Renovables da Deputación, do que se beneficiarán tanto veciñanza como administración local mosense.
Por parte do Concello, este vén de recibir resolución favorable da administración provincial dunha axuda para reducir o gasto de consumo enerxético en dependencias municipais mediante a instalación de placas solares en edificios públicos. Grazas a mesma o Concello de Mos ten intención de acometer a colocación de placas solares no Pavillón Óscar Pereiro e, coa devandita instalación, lograría dar subministro eléctrico tanto ao Pavillón, como á Piscina Municipal, ao edificio Multiusos das Pozas, o CEIP de Petelos, a Escola Infantil A Galiña Azul da Porteliña, a Biblioteca Municipal María Magdalena, o Xuzgado de Paz de Mos e o edificio da Casa Consistorial. O que suporía un importante ahorro para o Concello pois o gasto medio mensual en electricidade destas citadas dependencias ascende a un total de máis de 4.000 euros, puidendo alcanzar os 6.000 euros en meses de elevado consumo.
A financiación desta instalación de placas solares asumiríase do seguinte xeito: 25% Deputación, 25% Concello e o 50% restante con cargo a Fondos Europeos (é un programa financiado pola Unión Europea a través dos Next GenerationEU).
Esta iniciativa forma parte do programa que ten a Deputación de Pontevedra para o fomento das comunidades enerxéticas no ámbito rural. Para explicar o proxecto, ademais de Javier Tourís, estiveron presentes os responsables da oficina de Transformación Comunitaria (OTC) da Dupación, enxeñeiras deste departamento e enxeñeiros de Sertogal, enxeñería que está a prestar apoio a esta iniciativa.
Os paneis solales a instalar mediante este proxecto en cubertas de edificios municipais son de 540 watios, e poden instalarse ata un máximo de 185 paneis.
Ademais do autoabastecemento municipal, esta instalación podería abastecer, nun radio máximo de 2 km, a aquelas vivendas, sobre todo as que estean consideradas como vulnerables enerxéticamente, e reducir a súa factura eléctrica.
Ademais das vivendas, como xa se dixo, esas instalacións, axudarían tamén, a reducir a factura eléctrica dos edificios municipais sobre os que se instalan estes paneis ou a aqueles que estean dentro deste radio de acción.
Ademais das cubertas dos edificios, tamén existe a posibilidade de realizar instalacións sobre o terreo, pero o seu radio de acción reduciríase aos 500 metros.
Os concellos que poden acollerse a esta actuación, son aqueles que teñen menos de 50.000 habitantes.
