O festival terá lugar entre os días 7 e 9 de marzo. A OSG terá á fronte o director estadounidense Andrew Litton
A Orquestra Sinfónica de Galicia (OSG) será unha das formacións musicais convidadas na 24.ª edición do festival de música clásica Musika-Música, que organizará o Ayuntamiento de Bilbao entre o 7 e 9 de marzo, cun programa de máis de 70 concertos e a participación de máis de 1.500 intérpretes.
A OSG será, precisamente, unha das grandes protagonistas da xornada inaugural. O Palacio Euskalduna acollerá unha actuación na que o equipo de profesionais da orquestra interpretará un concerto en homenaxe ao compositor francés Maurice Ravel, coincidindo co 150.º aniversario do seu nacemento.
Unha das figuras destacadas da actuación será o recoñecido director de orquesta norteamericano Andrew Litton, que levará a batuta da sesión. O neoyorquino, que estivo á fronte dalgunhas das máis prestixiosas agrupacións orquestrais do mundo, como a Filharmónica de Nova York, a Sinfónica de Chicago, ou a Filarmónica de Londres, dirixirá a OSG, que pechará a súa participación en Bilbao coa Novena sinfonía de Beethoven.
O concelleiro de Cultura e Turismo, Gonzalo Castro, puxo en valor a volta da OSG ao festival bilbaíno. É a sétima vez que a Sinfónica participa no Musika-Música desde a súa primeira estadía en terras biscaíñas no ano 2017. “Isto amosa unha vez máis que a OSG non ten fronteiras e que se recoñece a súa extraordinaria calidade, ao ser como é un dos buques insignia do patrimonio cultural e musical galego”, destacou Castro.
O Musika-Músika, xa coas entradas á venda, xirará este ano en torno ás emocións, cun programa que orbitará en torno a lendas como Vivaldi, Chopin, Dvorak, Strauss, Bach e Handel, e tamén Beethoven e Ravel.
