O vindeiro Martes 4 de Marzo celebrarase a IV Edición da Festa do Cocido do Concello da Peroxa. A xornada comezará á hora do xantar, coa actuación musical da Charanga Nova Trives e posterior degustación de cocido de entroido. Pódense mercar os tíckets do xantar en calquera dos establecementos de restauración indicados no cartel ou nas oficinais municipais en horario de 08:30 a 14:30h. O menú, composto por empanada, cocido e postre, ten un custo de 20€.
Con posterioridade á degustación gastronómica, terá lugar o desfile de disfraces con hora de inicio ás 17:00h na Praza do Concello e que percorrerá as rúas da Peroxa ao son da música da Charanga Nova Trives. Poderán participar todas aquelas persoas que o desexen, anotándose nas oficinas municipais ou o propio día do desfile con algún/algunha representante municipal. Existen dúas categorías, parella e comparsas (3 ou máis compoñentes), e os premios aos que poden optar serán: 1º Mellor Comparsa 450€, 2º Mellor Comparsa 300€ e Mellor Parella 200€.
O Concello da Peroxa convida a toda á veciñanza a participar no desfile de disfraces.
O vindeiro Martes 4 de Marzo celebrarase a IV Edición da Festa do Cocido do Concello da Peroxa
- Anuncio -
