Os obras, cuxo orzamento ascende aos 610.000 euros e están financiadas integramente con fondos provinciais, terán unha duración aproximada de tres meses
A Deputación de Pontevedra aprobou hoxe o proxecto para levar a cabo as obras de mellora da seguridade viaria na EP-1202 Seixo-San Tomé de Piñeiro, en Marín. Cun orzamento de 610.000 euros financiado integramente con fondos provinciais, estes traballos englóbanse, tal e como explicou o presidente Luis López, dentro da aposta da Deputación “por salvagardar a debido prestación do servizo público viario e mellorar a seguridade na totalidade da rede de estradas provinciais”.
Os traballos, que terán unha duración aproximada de tres meses, consisten na mellora da capa de rodadura para garantir a seguridade e a comodidade na circulación, así como a reposición do firme nun treito de algo máis de dous quilómetros de lonxitude.
Tamén se limparán e rozarán e limparán as cunetas por ambas marxes e mellorarase a drenaxe. Ademais, durante as obras aproveitarase para realizar a limpeza integral da estrada e a mellora e reposición tanto da sinalización horizontal como da vertical.
