Home Xunta de Galicia A Xunta prograna no Museo do Mar unha mostra de Nicolás Muller...

A Xunta prograna no Museo do Mar unha mostra de Nicolás Muller con fotografías das Rías Baixas

- Anuncio -
  • Trátase dunha recompilación de imaxes das viaxes a Galicia dun dos fotógrafos documentais máis relevantes do século XX
  • Con esta proposta, a Consellería de Cultura, Lingua e Xuventude promove a itinerancia dos proxectos xestados no Gaiás a outros puntos do territorio
  • Os traballos que se exhiben teñen unha fonda conexión coas xentes do mar e dan conta da capacidade do autor para captar momentos da vida cotiá
  • A exposición, comisariada por José Ferrero, abre o 13 de marzo e pode visitarse ata o 18 de maio

O Museo do Mar de Galicia acollerá desde o 13 de marzo ata o 18 de maio a exposición Nicolás Muller en Galicia, unha mostra que recolle unha selección 50 imaxes das 700 fotografías que un dos documentalistas máis relevantes do século XX tomou en terras galegas durante as súas viaxes, moitas delas localizadas nas Rías Baixas. Así, a Consellería de Cultura, Lingua e Xuventude segue a apostar polas itinerancias dos seus proxectos expositivos por todo o territorio, como é o caso desta proposta xestada na Cidade da Cultura.

Neste senso, cómpre destacar que esta mostra que se poderá ver en Vigo, e comisariada polo tamén fotógrafo José Ferrero, xorde a raíz da exposición Nicolás Muller. Vento Norte, que puido visitarse no Museo Centro Gaiás entre xullo e novembro do 2023. Deste xeito, esta nova versión nace co fin de continuar achegando a cultura a toda a poboación na liña da Lei de cultura inclusiva e accesible de Galicia.

As imaxes que compoñen a exposición teñen un gran valor documental e moitas delas teñen unha profunda conexión coas xentes do mar, dando conta de como o fotógrafo capturou fielmente a realidade das persoas traballadoras da Galicia dos anos 60. De feito, Muller foi quen de captar momentos da vida cotiá como xogos infantís, sorrisos e olladas cómplices, cunha humanidade especial que foxe do espectáculo ata nos seus retratos das clases traballadoras e máis desfavorecidas. No Museo do Mar, ademais, tamén se poderá ver un audiovisual que contextualiza e analiza a súa figura desde unha perspectiva actual.

Sobre Nicolás Muller

Nicolás Muller (Orosháza, Hungría, 1913 – Llanes, Asturias, 2000) é considerado un dos grandes fotógrafos documentais do pasado século. Muller viaxou ao norte da península por un encargo da editorial Clave, que lle pediu a creación de instantáneas para unha serie de libros que debían mostrar unha imaxe moderna de España. O seu obxectivo era romper o illamento do país e, ao mesmo tempo, tornalo atractivo para o turismo e o investimento estranxeiro. Con todo, as fotografías de Muller reflicten unha fonda ollada humanista, poñendo o foco nas xentes traballadoras, as mulleres e os nenos.

Relacionadas

A Xunta traballa na redacción dun novo proxecto para habilitar en Pontevedra unha das...

0
O organismo de conca licitou a finais de xaneiro o contrato, que inclúe a realización do proxecto construtivo para a zona inundable de Valdecorvos...

A Xunta ultima a creación da oficina de cambio climático co fin de consolidar...

0
Este instrumento, que se porá en marcha nos vindeiros meses, encargarase de facer un seguimento do cumprimento das medidas do Plan Rexional Integrado de...

A Xunta estreita relacións con Guinea Bissau en materia de cooperación ao desenvolvemento

0
O director xeral de Relacións Exteriores e coa UE, Jesús Gamallo, recibe ao secretario xeral do Ministerio de Administración Territorial e Poder Local de...

A Xunta reprocha ao Goberno central que se opoña á tarida reducida do canon...

0
Ángeles Vázquez lamenta que o Ministerio para a Transición Ecolóxica e o Reto Demográfico se dirixa a Galicia para censurar que non repercuta integramente...

Mais de 1.000 persoas traballadoras de preto de 100 empresas benefícianse das Mmicroformacións apoiadas...

0
O Diario Oficial de Galicia publica hoxe a resolución pola que se dá publicidade ás axudas concedidas desta iniciativa para realizar formacións non regradas...

Lete destaca o músculo galegono atletismo da man dos irmáns CHamosa que competirám no...

0
_Subliña o excelente momento do atletismo galego que nos Xogos de París igualou o seu récord histórico con sete representantes O secretario xeral para o...

Publicacións Relacionadas