A Deputación de Pontevedra ven de concederlle ao Concello do Grove unha subvención a través do Plan + Provincia para a activación do emprego. Subvención destinada para a contratación de 14 persoas desempregadas inscritas no Servicio Público de Emprego de Galicia.
As persoas contratadas veñen a reforzar os servizos municipais para execución de diversas obras e servizos de recuperación de zonas degradas, traballos limpeza, mobiliario urbano, e mellora nos servizos culturais, tanto na zona urbana como rural. O obxectivo é ter preparados os recursos municipais para o verán nun concello turístico como é O Grove.
As 14 persoas corresponden a 4 peóns de obras públicas, 3 peóns de limpeza, 2 peóns de xardinería, 3 condutores de camión, 1 animador sociocultural e 1 axudante de museo. Todos os contratos terán unha duración de 6 meses a xornada completa.
As ofertas tramitaranse a través da oficina de emprego do Servizo Público de Emprego de Galicia.
