Os días 14 e 21 de xuño terá lugar un obradoiro de cuncas de almorzo no alfar do Centro Cultural As Torres, en Santa Cruz.
Trátase dunha actividade dirixida a persoas maiores de 12 anos na que cada participante confeccionará e decorará a súa propia cunca de almorzo coas indicacións do ceramista Antón Román.
O prezo do obradoiro é de 4,00 euros e as inscricións poderán facerse a través da páxina web municipal ata o 6 de xuño.
