O Concello de Baiona a través da Concellería de Cultura, organiza un ano máis o Campamento Urbano, actividade destinada a nenos de 5 a 12 anos, e que terá lugar durante o mes de agosto, en dúas quendas diferenciadas, o primeiro grupo durante a primeira quincena do mes, e o segundo grupo durante a segunda quincena.
O Campamento Urbano terá un horario de luns a venres de 10:30h a 13:30h. e durante a actividade desenvolverase un programa de actividades de lecer e tempo libre planificado, con distintas clases de xogos, realizándose visitas a distintos monumentos, museos, prazas e praias da vila, e contemplando varias excursións na contorna.
As solicitudes para o campamento urbano deberán presentarse no Rexistro Xeral do Concello de Baiona ou na Sede electrónica (baiona.sedelectronica.gal), ata o 20 de xuño de 2025 e é totalmente gratuíto.
Más información nas Concellerías de Cultura, no teléfono 986385921, ou en cultura@baiona.gal
