A entrada a este espectáculo, declarado de interesa cultural pola cidade de Bos Aires, é de balde ata completar aforo
Fillo e netos de Galegos, Fernández interpreta nesta peza da que é ademais coautor xunto a Julio Molina a un migrante galego en Arxentina que rememora o seu pasado
Nigrán, 02/06/25.- O Concello de Nigrán ofrece este domingo 8 de xuño ás 20:00 horas no Auditorio Municipal a obra de teatro ‘Galego’, representada polo arxentino Gabriel Fernández, un dos protagonistas da popular serie de Netflix ‘El Eternauta’ e da película ‘1985’, ambas con Ricardo Darín como actor principal. A obra, declarada de interese cultural por parte da Cidade de Bos Aires, está de xira por toda Galicia co apoio da Xunta, o consulado arxentino e a embaixada. A entrada ao espectáculo é de balde ata completar aforo, abríndose ás portas do Auditorio tan só 5 minutos antes do comezo.
Fillo e neto de galegos de Boiro, Fernández interpreta nesta peza da que é ademais coautor xunto a Julio Molina, a un migrante galego en Arxentina, xa ancián, que desde o patio da súa casa repasa a súa vida, o seu exilio durante a Guerra Civil e o seu proceso de integración na nova terra. O certo é que ‘Galego’ é unha peza profundamente emotiva que recupera a memoria colectiva de miles de familias galegas emigradas, cunha sensibilidade única.
“Estamos moi orgullosos de traer ao Concello de Nigrán esta obra de teatro que rescata a nosa memoria histórica e que está feita ademais por un actor espectacular que sabe do que fala porque el mesmo é fillo desa emigración galega”, explica o alcalde, Juan González.
