A institución súmase á iniciativa promovida pola Asociación Española de Hemocromatosis coa iluminación do Pazo provincial
A Deputación de Pontevedra iluminará o Pazo provincial de vermello desde as 20:30 horas do sábado 7 ata as 7:30 horas do domingo 8 de xuño con motivo da “Semana Mundial da Hemocromatosis”. Desde xeito a institución provincial únese á petición da Asociación Española de Hemocromatosis para dar visibilidade aos trastornos ocasionados pola excesiva absorción e acumulación de ferro no organismo.
A Semana Mundial da Hemocromatosis celébrase do 1 ao 7 de xuño, promovida pola Asociación Española de Hemocromatosis xunto á Federación Internacional de Pacientes con Hemocromatosis, para concienciar a poboación sobre esta enfermidade e fomentar a investigación para mellorar a calidade de vida das persoas que a padecen. Este ano a campaña está centrada na detección precoz da patoloxía, invitando a cidadanía a vixiar determinados síntomas e identificar as súas posibles causas cunha analítica.
A hemocromatosis é una alteración xenética caracterizada polo aumento da absorción intestinal do ferro e a súa conseguinte sobrecarga férrica. Esta enfermidade, pouco coñecida, afecta a unha de cada 500-1000 persoas, avanzando silenciosamente ata manifestarse na idade adulta. Constitúe unha das patoloxías xenéticas máis frecuentes a nivel nacional, pero o seu tratamento é barato, sinxelo e eficaz.
