Este xoves, o Centro Cultural da Guarda acolleu a estrea do novo proxecto teatral de Mariña Lestón: Costa da Morte, historia dun naufraxio. O público rematou en pé aplaudindo a esta obra, que comezou onte na Guarda a súa xira por Galicia.
A obra centrouse sobre a vida no mar, ou máis ben, a dureza da vida en terra para as familias que viven os naufraxios. A través de relatos reais e cantigas populares interpretadas en directo, a obra transportou aos asistentes a esas vidas truncadas pola dureza do mar.
Historias sobre naufraxios na Costa da Morte coas que poder viaxar lembrando os que hoxe xa non nos poden acompañar e poñendo en valor tamén, os que quedaron en terra: as viúvas, os orfos, as persoas que socorren… Para que as súas historias non caian no esquecemento.
