Luis López sitúa á LVI Festa do Carneiro ao espeto de Moraña como “unha das grandes celebracións gastronómicas de Galicia”

O presidente da Deputación de Pontevedra, Luis López, acaba de asistir na Carballeira de Santa Lucía de Moraña á LVI Festa do carneiro ao espeto de Moraña á que cualificou como “unha das grandes celebracións gastronómicas de Galicia, cun impacto directo na dinamización económica e turística da vila”. López, que felicitou ao alcalde de Moraña Sito Gómez polo impulso dado ao festexo nos últimos anos, recordou que este ano desde o goberno provincial destináronse máis de 17.500 euros a dúas actividades programadas ao abeiro da festa como a BTT Carneiro ao Espeto e á XI Carreira do Carneiro ao espeto.