Nesta época parece que o que mais berra está en poder da razón; o insulto se converteu en argumentario político; carecer de ética é sinónimo de valentía; e a mentira e a verdade valen o mesmo. O Partido Popular de Cambados é un dos máximos exponentes na comarca nesta forma de comportarse. En cada pleno e nota de prensa, que o seu desleixo pola vila e a veciñanza de Cambados é ó comparable á súa ignorancia na xestión do Concello, e nas relación deste con outras administracións.
A señora Fole e o seu equipo segue sen aclarar por que se puxeron a carón de Altri, dandolle as costas ao sector do mar de Cambados. Por que blanquearon a actitude da Consellería de Servizos Sociais da Xunta de Galicia no peche da residencia de anciáns, ademáis de que non fixo públicas as suas “discretas xestións” para conseguir que seguirá aberta; ou non fixeron nada, ou pouco pintan no seu partido. Por que lle dan as costas a lingua deste País, pleno tras pleno. Ou por que van da man da Xunta, non querendo para Galiza as melloras que un solo deputado do BNG consegue, incluido a rebaixa de 4.000 millóns de euros da débeda que a xestión do PP na Xunta nos crearon a tódolos galegos. Tamouco explicaron o desprezo da Xunta do PP ao sector do viño no Xantar do Albariño, ao cal mandaron a un técnico como representación oficial cando no acto anterior, privado, estivo medio Goberno da Xunta e Deputación.
A súa labor limítase a apuntarse a fotos alleas e emitir comunicados de prensa criticando cousas que non saben como se xestionan. Este é o caso do acontecido co programa Xoubiñas, coordinado pola Xunta de Galicia e o Grupo de Acción Local do Sector Pesqueiro (GALP).
O proxecto presentouse en base á Orden de 12 de febrero do 2025, publicada no DOG 36 do día 21 do mesmo mes. No capítulo terceiro de esa orde, Xustificación, di o seguinte: “2. Para eso, previa ejecución del proyecto en el plazo señalado en la resolución de concesión de la ayuda, el beneficiario presentará ante el GALP, en la sede electrónica de la Xunta de Galicia (https://sede.xunta.gal), hasta la fecha señalada como plazo de justificación en la resolución de concesión de ayuda, y como máximo, el 20 de diciembre de cada anualidad, la siguiente documentación:……..”
O proxecto non financiaba o mes de decembro, tendo o Concello que asumir dito gasto. Non había inconvinte; a día de hoxe a Concellería de Ensino, Cultura e Patrimonio, ten dispoñibilidade económica para asumir ese gasto.
A Concellaría de Cultura, Ensino, e Patrimonio fixo un traballo impecable na súa parte e o proxecto foi presentado en tempo e forma, e nel detallábase as actividades de setembro a decembro. Ademáis, realizamos as xestións para dotalo de espazo, empresa concesionaria, e xa puxéramos en marcha a inscripción das cativas e cativos interesados.
O noso proxecto foi o mellor puntuado para o GALP 5 Ría de Arousa, e sancionado tamén pola Xunta de Galicia. O 5 de maio, o GALP asina a resolución provisional, na que figuramos como o proxecto con maior puntuación, sen enmendarnos nada nin nos plazos de execución mencionados no proxecto, nin do seu finanzamento. O 1 de agosto asínase a resolución definitiva de concesión por parte da Consellería do Mar, e é aquí donde empezan os problemas.
Nesta resolución aparece citada a liña temporal da actividade autorizada; talleres de setembro a decembro do ano 2025, e de xaneiro a xuño do ano 2026. Especifica, tamén, os custos concedidos por anualidades, e que corresponde ao 100% do presentado incluido incluso o mes de decembro do 2025. Pero, na resolución, aparece como plazo de xustificación o 31/10/2025 para a anualidade do 2025; e o 31/10/2025 para o ano 2026.
Era un evidente erro de redacción; nin o 2026 se pode xustificar no 2025, nin os gastos de outubro, novembro, e decembro do 2025 se poden xustificar en outubro do 2025. Facemos as oportunas xestións co departamento, e nos indican que efectivamente se trata dun erro, pero que a persoa que se encarga deso está de vacacións. E empezan a pasar as semanas.
Por moito que o intentamos, nunca chegou a este Concello a resolución definitiva para que os servizos económicos poidesen dotar ao programa Xoubiñas de orzamento, e así empezar ca súa execución. Agardamos e agardamos, pero dita corrección non chegou ata o 2 de septembro.
Nesa data, xa tiveramos que desistir ante a imposibilidade de cumplir co programa presentado e cas clausulas da licitación pública. De non telo feito, corríamos o risco de ter cargas económicas para o Concello, tanto derivadas do incumplimiento de prazos como de condicións da licitación.
Efectivamente, houbo unha administración responsable de que os cativos e as cativas de Cambados quedaran sen o programa Xoubiñas, e que o Concello de Cambados non puidera ofrecer ao seus pais esa ferramenta de conciliación. Pero, á vista do exposto, pode que parte da veciñanza pense que quen ten que dar explicación son outras instancias. En contra das palabras gratuitas da señora Fole, a Concellaría que dirixo si pode demostrar documentalmente todo o aquí exposto.
Dada a súa querencia cara facer “xestións discretas” coa Xunta, convidámola a facelas tamén neste ámbito, para que nunha próxima edición os nenos e as nenas de Cambados non perdan outra oportunidade.
