O director xeral de Emerxencias e Interior, Santiago Villanueva, recibiu esta mañá de mans do director territorial noroeste de Securitas Direct, Javier Iglesias, a placa de ouro da seguridade, coa que a entidade recoñece a Galicia como unha das comunidades máis seguras de España. Ao acto tamén acudiu o comisario xefe da Unidade de Policía Nacional Adscrita de Galicia (UPA), Jorge Rubal.
O galardón concedido enmarcase nos resultados do informe A seguridade nos fogares e negocios, publicado polo Observatorio Securitas Direct, no que a comunidade galega se reafirma como unha das autonomías cunha mellor tendencia nas estatísticas de criminalidade.
