O Concello de Ourense está a executar e planificar diversas intervencións de restauración en fontes e lavadoiros, elementos cargados de memoria colectiva e de gran valor cultural.
Con estas actuacións, o Concello de Ourense non só recupera a funcionalidade e o esplendor orixinal destas construcións, senón que tamén salvagarda a memoria inmaterial e a historia que atesouran.
Actualmente, o Concello está a levar a cabo a restauración de varios puntos, cun investimento que supera os 35.000 euros. As obras en execución son as seguintes:
- Arranxo da Fonte de San Miguel de Canedo: Por un importe de 12.110,33 euros.
- Lavadoiro en Cachaxúas: Cun investimento de 5.980,64 euros.
- Lavadoiro na Ponte do Val: Por un custo de 17.655,26 euros.
Próximas Intervencións
Ademais dos traballos xa en curso, o Concello de Ourense anunciou as seguintes intervencións que terán lugar proximamente:
- Lavadoiro de Casardomato: Cun investimento previsto de 17.998,75 euros.
- Cuberta do Lavadoiro de Seixalbo: Por un importe de 13.458,83 euros, para garantir a súa protección e conservación.
