• O evento literario beneficiouse da Subvención para a Promoción da Lectura e as Letras Españolas, sendo un dos cinco municipios galegos en logralo.
A IV Feira dá Cultura En CaMIÑO foi beneficiaria da Subvención para a Promoción da Lectura e as Letras Españolas, convocada polo Ministerio de Cultura. Trátase dunha axuda estatal moi esixente, que nesta edición concedeu ao proxecto un total de 9.000 euros, sendo Miño uno dos cinco municipios galegos beneficiarios desta subvención.
A Feira dá Cultura En CaMIÑO celebrou este ano a súa cuarta edición cun notable aumento de público, vendas e actividades. O seu carácter innovador e a súa capacidade para achegar a literatura ao público, levando libros e autores ás rúas, a espazos naturais e mesmo á praia, consolidárona como unha das propostas culturais máis singulares da provincia.
Este apoio do Ministerio reforza o crecemento dun evento que, edición tras edición, amplía o seu alcance e reafirma o seu compromiso coa promoción da lectura entre todo tipo de públicos, converténdose nun punto de encontro accesible, diverso e aberto ao diálogo entre distintas culturas e linguas.
O goberno local destaca que a concesión desta subvención estatal supón un importante impulso para seguir crecendo e fortalecer a programación.
A próxima edición da Feira dá Cultura En CaMIÑO, os días 17,18 e 19 de xullo, continuará traballando para consolidar a Miño como un referente cultural, cun evento que conxuga natureza, literatura e identidade ao alcance de todos os públicos.
