A Mancomunidade do Val Miñor rehabilita o interior das isntalacións do GES

A Mancomunidade do Val Miñor ven de emprender a mellora das instalacións do GES atendendo así ás peticións dos seus traballadores. Así, o interior da sede do Grupo de Emerxencias Supramunicipal, ubicado na rúa Paradellas (Nigrán), ven de ser totalmente rehabilitado mediante a reparación de todos os desperfectos existentes no teito de escaiola, emplastecido de todas as imperfeccións, saneamento de zonas afectadas por humidades e, posteriormente, pintado con pintura plástica mate branca con tratamento antimanchas. A intervención comprendeu todo o interior das instalacións, desde o hall de entrada á cociña, baño e dormitorio. Actualmente a presidencia da Mancomunidade do Val Miñor corresponde ao Concello de Nigrán, que considerou prioritaria esta actuación e, considera, o seguinte paso debe aer intervir na reparación da terraza.