O almanaque estará dispoñible nos próximos días en quioscos e librarías
O Concello seleccionou as 13 imaxes que formarán partedo calendario municipal do 2026. O xurado reuniuse nas últimas semanas para analizar as diferentes propostas achegadas para esta edición, cumprindo coa tradición de editar un balman a que formado por imaxes de fotógrafos afeccionados da cidade. O calendario distribuirase nos próximos días en quioscos, comercios e librarías.
Este concurso está, como cada ano, aberto á participación cidadá e as fotografías deben tomarse no termo municipal da Coruña. Nas imaxes é necesario destacar o patrimonio cultural, histórico, natural e paisaxístico da cidade. O xurado tivo en conta a calidade técnica e a orixinalidade da imaxe.
O xurado estivo formado polos fotoxornalistas César Quián, Víctor Echave e Pedro Puig.
Tamén estivo integrado por Andy Pérez, responsable de fotografía do Concello. A alcaldesa, Inés Rey, e os membros da corporación Nereida Canosa, Roberto Coira e Francisco Jorquera, tamén formaron parte do xurado. Xunto ás 13 imaxes seleccionadas (12 para os meses do ano e unha para a portada), o almanaque completarase con fotografías históricas da cidade da colección particular de Pedro Puig de Llano.
Este ano, o calendario irá encabezado pola frase ‘Cidade sen fin’. As persoas gañadoras recibirán dous libros de fotografía e un ano de acceso gratuíto aos Museos Científicos Coruñeses para dúas persoas. Os autores e autoras das imaxes gañadoras e que formarán parte do calendario municipal son as seguintes:
● Portada: Chencho Mendoza.
● Xaneiro: Mimi Carrolo.
● Febreiro: Pablo Briones.
● Marzo: María José Vázquez Pazos.
● Abril: Iván Ponte.
● Maio: Alberto Vázquez.
● Xuño: Mónica Rial Dosil.
● Xullo: Sindo Novoa.
● Agosto: Ignacio Fernández.
● Setembro: Javier Castelo.
● Outubro: Eva Márquez Mosquera.
● Novembro: Manuel Candal.
● Decembro: Soraya Sampedro.
