Salceda arrincou a súa programación de Nadal con 30 actividades que se desenvolverán durante un mes.
O Concello de Salceda de Caselas botou a andar a súa programación de Nadal co acendido do alumeado. A programación, con preto de 30 actividades para todos os públicos, extenderase ata o 5 de xaneiro.
Un alumeado de Nadal, que sabe a local, instalado pola empresa local Gildo Sonido, e que conta coa colaboración do comercio local. O alumeado acendeuse por primeira vez este venres acompañados da música da Banda dos Insectos, e encargáronse de apretar o botón máxico os rapaces e rapazas do CEP Altamira gañadores do concurso de debuxo do 25N organizado polo CEP Altamira: Icíar, Ainara, Leire, Dídac, Martín e Xandrea.
Unha programación que se desenvolverá durante un mes e que conta con citas xa consolidadas no Nadal salcedense como o Concerto de Nadal da Banda de Música Cultural de Salceda, o Festival de Panxoliñas das nosas corais ou o Encontro Internacional de Ranchos Tradicionais.
A música será protagonista tamén para a cativada, coas actuación de Uxía Lambona e a Banda Molona e o Concerto punkinfantil de Peter Punk e Brais das Hortas.
O deporte tamén será protagonista á hora de despedir o ano, coa tradicional carreira popular San Silvestre que se celebrará o venres 26 de decembro. Ademais, completan a programación deportiva a gala de Nadal do Club de Patinaxe Artística de Salceda, o partido solidario da Escola Denis Suárez en beneficio da infancia de Salceda e a Xornada de Integración e Formación para o deporte do Club Baloncesto Caselas, que contará con sesións prácticas e un ciclo de ponencias que abordarán cuestións como a prevención de lesións, o equilibrio emocional, a nutrición e a saúde integral.
A fin de semana previa á noiteboa será a protagonista, cunha nova edición do Mercado de Nadal, onde os postos de artesanía convivirán co tecido asociativo local durante o sábado e o domingo, e que contará con diversas actividades paralelas, como obradoiros e a actuación do grupo SdS. Unha finde na que poderemos voltar gozar da maxia do Tren de Nadal, e no que a cativada poderá gozar de actividades para eles e obradoiros, contando tamén coa Papanoelada Moteira, que un ano máis encherá de cor as rúas da vila e as estradas do Concello.
Obradoiros infantís, rondallas, teatro e humor completan unha programación de Nadal organizada con agarimo e para o goce de toda a veciñanza e visitantes.
Loli Castiñeira, Alcaldesa de Salceda: “Somos o Concello mais novo de Galicia e apostamos por dúas cousas importantes neste Nadal: A Cultura feita en Salceda e pensada para ese público familiar e infantil que ten o noso Concello”.
PROGRAMACIÓN NADAL 2025-26
Venres 5
- 18.00 Acendido do alumeado de Nadal. A Banda dos Insectos. Praza do Concello.
Sábado 6
- 18.00 Retrincos de Castelao. Teatro. Público Familiar. Auditorio Municipal
Sábado 13
- 19.00 Festival de Panxoliñas. Auditorio Municipal
- Coral Polifónica Santa María de Salceda
- Coral Polifónica de San Mamede
- Coral Polifónica de Entenza
Domingo 14
- 16.30 Desfile polas rúas do casco urbano da Rondalla de Pontellas.
- 20.00 Caselas con C de Comedia. Muiñeiras, con Oswaldo Digon, Lorena Pinheiro e Naiama Gaitas.
Sábado 20 e domingo 21
- Mercado de Nadal na Praza do Concello.
- Tren de Nadal. Saídas dende a Praza do Concello
Sábado 20
- 16.00 Papanoelada Moteira. Saída dende a Praza do Concello.
- 20.00 Concerto de Nadal da Banda Cultural de Salceda. Auditorio Municipal
- Xornada de Integración e Formación para o Deporte. Club Baloncesto Caselas
- 18.00 Gala de Nadal do Club Patinaxe Salceda. Pvillon Municipal
Domingo 21
- 11.30 Obradoiros Infantís. Praza do Concello.
- 19.00 Audición da Escola de Música de Salceda. Auditorio Municipal
Martes 23
- 18.00. Uxía Lambona e a Banda Molona. Praza do Concello
Venres 26
- 16.30 Obradoiro de Doces de Nadal. Praza do Concello.
- 21.30 XIII San Silvestre Solidaria
Sábado 27
- VII Encontro de Ranchos Tradicionais
Domingo 28
- 18.00 Concerto Punkinfantil. Peter Punk e Brais das Hortas. Praza do Concello.
Venres 2
- 19.30 Laguna e Terra, unha historia que nace en Salceda. Presentación da novela “Laguna: Memorias en el agua”. Terra editorial.
- Actuación de Yennia.
Sábado 3
- 20.00 Caselas con C de Comedia. Isabel Risco. Auditorio Municipal
Domingo 4
- 16.30 Desfile polas rúas do casco urbano da Rondalla de Atios.
- 19.00 Concerto de Mila Ut e Ana Belén Rodríguez. Auditorio Municipal
Luns 5
- 18.00 Cabalgata de Reis. Saída dende a Praza da Devesa. Chegada na Praza do Concello.
