A nova programación conta con equilibrio de xénero na dirección das obras e o regreso de Chévere cunha adaptación de Castelao
O Teatro Rosalía de Castro acolleu esta mañá a presentación do Ciclo Principal de Primavera 2026, que contará cun total de XX obras representadas entre os meses de xaneiro e xuño. O concelleiro de Cultura e Turismo, Gonzalo Castro, presentou este ciclo acompañado polo director do Teatro Rosalía de Castro, Paulo Rodríguez. O Ciclo Principal de Primavera está organizado polo Concello da Coruña e conta co apoio da Rede Galega de Teatros e Auditorios.
“O Concello sabe do potencial do Teatro Rosalía de Castro, un recinto referente a nivel nacional que seguirá acollendo as mellores representacións teatrais galegas e estatais, afianzando A Coruña como o gran referente cultural que é”, sinalou Gonzalo Castro. O edil tamén celebrou que o teatro público municipal continúe a acadar cifras récord de persoas abonadas ao Ciclo Principal, “proba do grande interese que hai entre a cidadanía polo teatro”, segundo indicou. “Inés Rey fixou entre os obxectivos do mandato contribuír á difusión da cultura na nosa cidade, e estamos a demostrar con cifras que avanzamos nese camiño”, indicou Castro.
Nesta nova edición do Ciclo Principal de Primavera destaca a o equilibrio de xénero na dirección das 14 obras que se representarán, con autores/as como Beatriz Jaén, Eduardo Vasco, Quico Cadaval, Ainoha Amestoy, Declan Donnellan, María Goiricelaya, Mireia Gabilondo entre outras. Haberá unha estrea absoluta: ‘Artur Ui, o ovo da serpe’ de Talía Teatro, catro funcións accesibles (a primeira de ‘Los Cuernos de D. Friolera’, as dúas de ‘Ictus’ e a primeira de ‘Los dos hidalgos de Verona’) e unha obra inclusiva: ‘Sabes que las flores de plástico nunca han vivido ¿verdad?’, de Tanttaka Teatro.
O período de renovación dos abonos abrirase este martes 10 e prolongarase ata o 30 de decembro, no despacho de billetes da praza de Ourense no seu horario habitual. Cada persoa abonada terá reservada a localidade que ocupou na anterior edición e manterá o seu tipo de abono: para venres ou sábado.
O prezo do abono vai de 67,88 a 152,25 euros, en función do tipo de localidade, e inclúe o acceso ás once representacións dobres (con opción de venres ou sábado) e a compra preferente cun desconto do 25% para as funcións soltas ‘TROMSØ’, ‘Riazor Ostia’ e ‘Filtro’).
Os/as abonados/as interesados/as en cambiar de asento, de localidade ou de día deberán renovar nos días e horarios establecidos, e poderán optar só ás localidades non ocupadas por outras persoas abonadas. Para acceder ás localidades que queden libres por non seren renovadas, as persoas interesadas deberán acudir a billeteira da praza de Ourense o día 2 de xaneiro.
Os días 5, 6 e 7 de xaneiro abrirase o período de venda para novos abonados en Ataquilla e na praza de Ourense e o 9 de xaneiro ás 11.00 horas comezará a venda de entradas soltas para todos os espectáculos. Todas as funcións do ciclo serán ás 20.30 horas.
Programación do Ciclo Principal de Outono 2025
● 23 e 24 de xaneiro, Los cuernos de Don Friolera de Ramón María del Valle-Inclán con adaptación e dirección de Ainoha Amestoy. Produción de Estival Producciones para Teatros del Canal.
● 30 e 31 de xaneiro, Marcela (una canción de Cervantes) de María Folguera a partir do Cap. XIV de Don Quijote de la Mancha, dirección de Leticia Dolera. Produción de Sociedad Cervantina.
● 7 de febreiro, TROMSØ texto e dirección de Rafa Martínez. Produción de Morraoconto.
● 20 e 21 de febreiro, Nuestros Muertos, texto e dirección de Mariano Llorente. Produción de Micomicón Teatro.
● 28 de febreiro, Riazor Ostia, texto e dirección de Gustavo del Río. Produción de Os Náufragos.
● 6 e 7 de marzo, Las Pequeñas Mudanzas, texto e dirección de Vanessa Espín. Coprodución da Compañía Nacional de Teatro Clásico con ElenArtesescénicas.
● 13 e 14 de marzo, Artur Ui, o ovo da serpe de Bertold Brecht con adaptación e dirección de Quico Cadaval. Produción de Talía Teatro. Estrea Absoluta.
● 20 e 21 de marzo Ictus (a derradeira leición de anatomía do Dr. Castelao), dramaturxia e dirección de Xron. Produción de Chévere.
● 27 e 28 de marzo, Esencia de Ingnacio García May con dirección de Eduardo Vasco. Coproducido por Teatro Español e Entrecajas Producciones.
● 24 e 25 de abril, Mihura, el último comediógrafo de Adrián Perea, dirección de Pablo Menor Palomo. Coprodución de Nave 10 Matadero e Entrecajas Producciones.
● 9 de maio, Filtro texto e dirección de María Goirizelaya. Coprodución Internacional entre La Sala Verdi (Uruguai) e La Dramática Errante coa colaboración de Donostia Kultura
● 15 e 16 de maio, Os dous de sempre de Varela & Cadaval (inspirada na obra de Castrelao) e dirección Quico Cadaval. Producións Teatrais Excéntricas.
● 22 e 23 de maio, Sabes que las flores de plástico nunca han vivido ¿verdad? texto e dirección Mireia Gabilondo,. Coprodución do Centro Dramático Nacional e Tanttaka Teatroa.
● 5 e 6 de xuño, Los dos hidalgos de Verona de William Shakespeare. Adaptación de Declan Donnellan e Nick Ormerod e dirección de Declan Donnellan. Co-produción de Compañía Nacional de Teatro Clásico (CNTC), Cheek by Jowl e LAZONA.
