Haberá actividades de animación infantil e obradoiros nas instalacións municipais de todos os barrios
Este sábado o Concello da Coruña pon en marcha as festas infantís de Nadal nos centros cívicos municipais. Esta iniciativa do Goberno de Inés Rey busca contribuír á conciliación familiar nestas datas non lectivas, á vez que dinamizan a actividade destes espazos públicos.
Todas as festas incluirán animación infantil, actividades lúdicas e talleres dinámicos.
Ademais, está prevista a visita dos Reis Magos a cada unha das celebracións para que os nenos e nenas que participen poidan entregarlles as súas cartas. A inscrición pódese realizar na conserxería do propio centro.
Os centros cívicos nos que se celebrarán estas festas son O Castrillón (sábado 27, 16.30), Monelos (sábado 27, 17.30), Eirís (domingo 28, 16.30), San Diego (domingo 28, 17.30), Elviña (luns 29, 16.30), Palavea (luns 29, 17.30), Monte Alto (martes 30 17.30), Os Rosales (venres 2, 16.30), Novoboandanza (venres 2, 17.30), Os Mallos (sábado 3, 16.30), Mesoiro
(sábado 3, 18.30), San Pedro de Visma (domingo 4, 17.30) e Cidade Vella (domingo 4, 16.30) horas. Cada sesión contará con diferentes xogos e actividades.
Ademais, as actividades para nenos e nenas nos centros cívicos complementarase coas últimas sesións de obradoiros e actividades na Casa dos Xoguetes, que rematarán o sábado 3 de xaneiro. Toda a programación pódese consultar na páxina web do Concello.
