A Concellería de Desbroces do Concello de Ponteareas, dirixida por Domingo Freitas, e a Concellería de Medio Ambiente, que dirixe Silvia Fdez. Táboas, están a realizar estes días traballos de desbroce, poda e limpeza no regato da Venda, un paseo moi frecuentado polas veciñas e veciños da vila.
Nestes días están a executar tarefas de mantemento coa finalidade de mellorar a seguridade, a accesibilidade e a imaxe deste espazo natural, moi utilizado para o paseo e o lecer diario, dando resposta á demanda das veciñas e veciños.
Paralelamente, a concellería de Desbroces continúa co plan de actuacións noutras zonas do municipio. Nestes días estanse a realizar traballos de desbroce na zona de San Blas, en Areas, e veñen de rematarse as actuacións na parroquia de Xinzo e Bugarín, atendendo así ás necesidades de mantemento das diferentes parroquias. A continuación procederase á limpeza de tramos da N-120 propiedade municipal dende a cotorna do cruce de Ribadetea ata o Barral. Ao tempo continúase coas podas nas árbores do centro urbano e os traballos codtidiás nas parroquias.
Desde o Concello de Ponteareas destácase a importancia destes traballos periódicos para conservar en bo estado os espazos públicos, previr riscos e garantir contornas máis seguras e agradables para a cidadanía.
