O BNG continúa a recollida de sinaturas e anima á veciñanza a achegarse á alameda Rosalía de Castro o domingo 22 de febreiro, desde as 12 até as 14 horas, para asinar e amosar o seu apoio á necesidade de recuperar espazos para uso público.
O Bloque Nacionalista Galego (BNG) convoca novamente á veciñanza a participar nunha recollida de sinaturas para reclamar o cumprimento do acordo aprobado no Congreso, para a recuperación de espazos da Escola Naval Militar e Porto, e que volvan a ser de ámbito público.
A próxima recollida de sinaturas terá lugar este domingo, 22 de febreiro, na alameda Rosalía de Castro, dende as 12 até as 14 horas. O BNG anima a todas as persoas a achegarse para asinar e amosar o seu apoio a esta proposta.
Tal e como manifesta Lucía Santos, “pedimos que espazos prescindibles, sen uso necesario para a súa actividade, volvan ser de uso público. Son múltiples as cidades e vilas que foron gañando espazos, Marín non pode quedar atrás.”
O BNG agradece de antemán a participación nesta iniciativa que está tendo moi boa acollida. A dotación de novos espazos verdes tería un impacto inmediato na calidade de vida da veciñanza, ademais de impulsar a actividade económica, cultural, deportiva e social da nosa localidade. De seguro, co apoio de todas e todos, esta proposta vai poder ser unha realidade para Marín.
