En coordinación co Concello poiense, este cribado voluntario terá lugar mañá martes 19 e o mércores 20 de xaneiro nunha carpa específica emprazada na explanada xunto ao local social da Asociación de Veciños de O Vao, na parroquia de San Salvador, a partires das 9 da mañá
Á dita iniciativa preventiva vaise convocar a arredor de 420 veciños residentes neste lugar do Concello
As mostras tomadas en Poio procesaránse no servizo de Microbioloxía do Complexo Hospitalario Universitario de Pontevedra e os resultados negativos serán comunicados por SMS mentres que os casos positivos notificaránse de xeito individual a cada cidadán
A Xunta de Galicia, a través da xestión do Servizo Galego de Saúde, continuará mañá martes 19 e o mércores 20 de xaneiro no lugar de O Vao, en Poio, con novos cribados poboacionais con PCR na área sanitaria de Pontevedra e O Salnés, cara a detectar o maior número posible de portadores asintomáticos, o que permitirá reducir a cifra de contaxios de coronavirus nesta localidade.
En coordinación co Concello de Poio, este cribado voluntario terá lugar nunha carpa específica emprazada na explanada xunto ao local social da Asociación de Veciños de O Vao, na parroquia de San Salvador, a partires das 9 da mañá. Á dita iniciativa preventiva vaise convocar nas vindeiras horas a arredor de 420 veciños residentes neste lugar do Concello poiense.
Para levar a cabo esta iniciativa, durante mañá martes 19 e o mércores 20 de xaneiro a Administración Sanitaria Pública galega contará nesta carpa con dous equipos de enfermaría, que efectuarán tarefas de control e cumprimento das medidas de seguridade, controis da realización das tomas de mostras e información aos usuarios.
Proceso das mostras e notificación de resultados
Todas as mostras tomadas con PCR no lugar de O Vao en Poio procesaránse no servizo de Microbioloxía do Complexo Hospitalario Universitario de Pontevedra e os resultados serán comunicados aos usuarios por SMS, sempre que o resultado sexa negativo. No caso de resultar positivo, esta notificación comunicaráse de xeito individual a cada cidadán.
