• O señor Jesús Otero presume constantemente de ter preparada unha moción de censura na que contaría co voto de Dona Mª Carmen Silva como cooperadora necesaria para desbancar o Goberno de Xuntos.
• Taboada ten previsto nas próximas semanas realizar cambios drásticos para evitar que o anterior alcalde Jesús Otero diríxase aos funcionarios en actitude prepotente.
• Luís Taboda lémbralle a Otero que o ser ex-alcalde non lle dá ningún privilexio, para moverse polos despachos dos funcionarios coma se fose a súa casa “iso vaise a terminar”
O grupo de goberno está indignado coa forma de actuar do anterior alcalde Jesús Otero nos últimos meses, uns meses en que Taboada nota ao señor Otero máis nervioso do habitual.
Pero este venres saltou a pinga que colmou o vaso, posto que o alcalde Luís Taboada comprobou fielmente que, o señor Otero (ex alcalde) dedícase a realizar o seu traballo de oposición, desde os despachos dos funcionarios, estando nalgunhas ocasións varias horas interrompendo o traballo dos mesmos, con interrogatorios exhaustivos e ameazantes con levalos á fiscalía e que se anden con ollo que en breve estará de novo como alcalde, porque ten preparada unha moción de censura apoiada por dona Mª Carmen Silva do PSOE, (segundo palabras de Jesús Otero, que o quere demostrar co bo rolo que ambos teñen, ao presentar escritos no rexistro cos dous membretes PP-PSOE).
Por todo isto Taboada recoméndalle ao señor Otero que se prexubile e dedíquese a outra cousa, debido a que nos 30 anos que estivo de alcalde, só serviron para encher os seus petos, chegando a cobrar do consistorio a cantidade de 45.000 euros, máis unhas dietas diarias e tarxeta de gasolina, para todos os seus desprazamentos, máis de 180.000€ nunha lexislatura, cos que conseguiu manter un nivel de vida elevado e por suposto unha cotización moi substanciosa, que lle permitirá xubilarse coa paga máis alta, cobrando unha xubilación de máis de 2.500€ mensuais, grazas a todos os cruceños e cruceñas; e está claro que o bota de menos, porque agora acórdase de que existen os veciños e dedícase a ir polas súas casas, algo que mentres estaba como alcalde nunca fixo.
Bo en realidade como di Luís Tabadoa tamén ten outra palabra que é moi recorrida no seu vocabulario, que non é outra que “CHE VOU A LEVAR Á FISCALÍA” debe de ser porque como denunciar é gratis e non ten que poñer diñeiro, sáelle con facilidade.
Luís Taboada cansado destas acusacións en todo momento, tamén anima a atoparse ambos na fiscalía, onde Taboada explicará o traballo realizado nestes preto de 2 anos, que por desgraza non puido ser máis, por mor da pandemia que estamos a soportar, e como di Taboada “ estou a desexar ir á fiscalía onde nos atoparemos e poderanos explicar onde están os móbiles aiphone, Tablet e computadores portátiles valorados en miles de euros que despois de 2 anos non devolveu ao consistorio, dando por boto que lles pertencen e que foron pagados co diñeiro de todos, como este outros moitos dos que somos coñecedores nos seus 30 anos de goberno, e que poderemos expoñer diante do fiscal.
Luís Taboada anuncia cambios substanciais, para evitar que Otero siga mantendo unha actitude caciquil e que sexa responsable dos seus actos, xa que a xustiza é para todos. Taboada informará o delegado de persoal do concello do protocolo para seguir nos seus postos de traballo, que non é outro que dedicar o tempo do traballador para realizar as súas tarefas diarias en favor dos cruceños e cruceñas e non o de estar de chachara co señor Otero tanto nas instalacións do concello, como as reunións que mantén cos traballadores viarios, que mentres están de conversación non poden realizar o seu traballo, como se pode demostrar nas fotos que nos fixeron chegar, por tanto “isto termínase aquí”. Se o señor Otero necesita algo do concello ten os leitos legais para conseguilo a través do rexistro municipal, como calquera veciño.
