test
Home A Coruña A alcaldesa aborda co rexedor de Ames os asuntos de interese para...

A alcaldesa aborda co rexedor de Ames os asuntos de interese para ambos municipios

- Anuncio -

Goretti Sanmartín e Blas García mantiveron un primeiro encontro institucional esta mañá no Pazo de Raxoi para abordar os asuntos que afectan á veciñanza de ambos municipios como a depuradora da Silvouta, o parque comarcal de bombeiros ou a senda que unirá Santiago co Milladoiro. Na xuntanza tamén participaron o concelleiro de Mobilidade, Xan Duro; a concelleira de Capital Cultural, Míriam Louzao, así como edís do Concello de Ames.

Tras a xuntanza Sanmartín e García salientaron a boa sintonía entre as dúas corporacións e a vontade de colaborar en beneficio da veciñanza de ambos concellos. Congratuláronse polo anuncio da nova licitación da EDAR por preto de 54 millóns de euros, un proxecto fundamental para o saneamento e a limpeza do río Sar que comparten os dous muncipios. A rexedora compostelá detallou que o proxecto deberían “estar licitado neste ano e as obras comenzarían a principios do ano próximo”, cunha duración de 27 meses e medio, polo que estaría rematado “aproximadamente sobre abril de 2026”. Goretti Sanmartín comprometeuse a “facer un seguimento de que se cumpran os prazos” e a solicitar unha “implicación máis grande” a nivel económico por parte das diferentes administracións.

Tamén abordaron o tema da creación dun parque comarcal de Bombeiros que prestaría servizo a varios concellos, un proxecto que leva anos pendente e que consideran prioritario. “É un tema no que levamos moito tempo traballando e que temos que solucionar”, sinalou o alcalde de Ames, que pediu a colaboración do Concello de Santiago para relanzar as conversas con todas as partes implicadas para poder avanzar neste asunto.

A este resepcto, Goretti Sanmartín amosou a disposición do Concello de Santiago para reactivar “de maneira urxente e inmediata” o diálogo co Consorcio Provincial de Bombeiros, coa Deputación da Coruña e coa Xunta de Galicia para constatar “nas próximas semanas se hai disposición” pola súa parte e abordar “como se podería materializar este servizo”. Entre as demandas que a alcaldesa porá sobre a mesa está a de que o parque comarcal sexa considerado un “novo servizo”, que non estea rexido pola taxa de reposición para poder contratar novo persoal.

No encontro tamén se tratou a mobilidade entre os dous municipios, un tema prioritario debido ao elevado número de veciños e veciñas que compatibilizan vida laboral e persoal entre os dous municipios. En concreto, Sanmartín e García falaron sobre a situación da senda entre Santiago e O Milladoiro, un itinerario que facilitará a mobilidade a pé e en bicicleta da veciñanza entre os dous núcleos. “Temos que seguir traballando conxuntamente para mellorar as condicións”, indicou o rexedor de Ames.

Tamén se abordaron outros temas como a necesidade de potenciar os proxectos vencellados a Compostela Rupestre ou o funcionamento dos servizos públicos.

Relacionadas

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Ponteceso iza as súas treis bandeiras azuis nas praias de Balarés, Ermida e Osmo

0
Esta mañá foron izáronse no Concello de Ponteceso as bandeiras azuis correspondentes ás praias de Balarés, Ermida e Osmo.   No acto celebrado en Balarés participaron...

O Grupo Municipal Socialista insta á Xunta a paralizar as obras da senda ciclista...

0
Logo dun encontro coa asociación veciñal de Conxo Aberto aseguran que, logo de comezar as obras, “está demostrando que é unha actuación agresiva que...

Donaya Market abre as súas portas na Coruña

0
● A súa oferta gastronómica, enfocada na cociña asiática, aúna tapas e ramén. ● O local sitúase no centro da cidade na rúa San Andrés...

Un ano de caos e desgoberno en Culleredo: un ano tirado ao lixo

0
A falta de vontade de traballo evidénciase na deficiente prestación de servizos e na absoluta desatención das necesidades veciñais. O goberno municipal segue sen presentar...

Choque frontal na estrada AC-416 á altura do cruce da rúa Olveiras, en Carballo

0
Os bombeiros do parque comarcal provincial de Carballo foron alertados ás 01:39 da madrugada de onte dun accidente de tráfico na estrada AC-418 á...

Publicacións Relacionadas