Home A Coruña A Asociación de Concellos do Camiño da Ría de Muros Noia solicitará...

A Asociación de Concellos do Camiño da Ría de Muros Noia solicitará ser declarada de interese público

- Anuncio -

A asemblea da Asociación tivo lugar esta mañá no stand de Fairway

A Asociación de Concellos do Camiño da Ría de Muros Noia celebrou esta mañá unha asemblea no stand de Fairway, o gran foro de profesionais do Camiño que hoxe se clausura no Pazo de Congresos e Exposicións de Galicia. Unha asemblea na que se trataron temas de gran interese para a asociación, como a aprobación das contas ou a solicitude á Xunta de que a asociación sexa declarada de interese público.

Esta declaración de utilidade pública suporía un recoñecemento a que o traballo que se desenvolve dende a Asociación de Concellos do Camiño da Ría de Muros Noia ten a finalidade de lograr un interese xeral, neste caso promover este itinerario xacobeo. Un recoñecemento que suporía moitas obrigas para a Asociación, pero tamén algunhas vantaxes de tipo económico, subvencións, fiscais…

Así mesmo, os presentes fixeron unha valoración da participación da Asociación no congreso “Viaxes, intercambios, cultura e turismo: compartindo as mellores prácticas, estratexias e valores”, celebrado a finais de outubro no Palazzo Grandi Stazioni de Venecia e organizado pola rexión de Nordland (Noruega) en colaboración coa Regione del Veneto e a Asociación Internacional Vía Querinissima; e destacaron que o número de visitantes que está a recibir o stand do Camiño de Santiago da Ría Muros Noia durante a quinta edición do Fairway está sendo espectacular.

A asemblea estivo presidida pola presidenta da Asociación de Concellos do Camiño da Ría de Muros Noia e alcaldesa de Lousame, Teresa Villaverde. Nela tomaron parte os alcaldes de Ames, Blas García; Muros, María Lago; e Porto do Son, Luís Oujo; así como concelleiros e concelleiras de Brión, Noia, Outes, Rois e Santiago de Compostela.

Por outra banda, o stand do Fairway acollerá esta tarde a reunión da Asociación de Amigos do Camiño a Santiago pola Ría de Muros Noia. Un stand que está acaparando a atención dos visitantes ao Fairway, tanto pola súa boa localización dentro do recinto feiral de Santiago como polo seu chamativo deseño e as constantes proxeccións de vídeos promocionais do Camiño pola Ría de Muros Noia, entre as que se inclúe tamén o documental “O Camiño esquecido”.

Relacionadas

Ortigueira capta a case 60 alumnos para o programa de maiores da Universidade Sénior...

0
• A formación está dirixida a persoas maiores de 50 anos da comarca e consta de tres módulos de diferentes temáticas, a desenvolver ata...

Unha pulitzer de poesía, un consagrado romanés e unha colombiana xunto a novas voces...

0
O terceiro e último trimestre de recitais comezará este luns 22 de abril, con Dinu Flamand e Lois Diéguez ás 20.00 horas no Ágora Seguiranlle...

O Concello remata as melloras da área canina do parque de Santa Margarida, aumentando...

0
A actuación supuxo a creación dunha nova entrada ao parque desde a rúa San Mateo, melloras do terreo e unha reforma do acceso O Concello...

Directivos e técnicos da empresa líder de auga e saneamento de Portugal visitan as...

0
O alcalde de Carballo, Evencio Ferrero, recibiu a unha delegación de directivos e técnicos das empresas Gestagua e Aquapor, lider na xestión de concesións...

Gonzalo Muíños insta ao goberno local a planificar a mobilidade no corredor Pardiñas-Galanas á...

0
Explica que ata 30.000 vehículos utilizan diariamente a N-550 e teme que parte de ese tráfico se desvíe por Pardiñas (Laraño) Propón tamén que Concello...

O BNG pide medidas para acabar cos roubos en instalacións municipais

0
Convocar a Xunta Local de Seguridade sería o primeiro paso Numerosos roubos sucédense en centros sociais e escolas do rural nos últimos meses Nos últimos meses...

Publicacións Relacionadas