Home A Coruña A CMAT participa no Principado de Asturias nunha xornada de intercambio de...

A CMAT participa no Principado de Asturias nunha xornada de intercambio de Boas Prácticas no Turismo Rural, o Astroturismo e a Calidade Turística para a mellora da competitividade

- Anuncio -

Unha delegación da Costa da Morte Asociación Turística coñece sobre o terreo a experiencia das asociacións de turismo rural asturianas, os proxectos de astroturismo e o modelo de Xixón sobre calidade turística

Representantes da Costa da Morte Asociación Turística (CMAT), participaron o pasado fin de semana (28 e 29/09/2023) na Xornada de Intercambio de Boas Prácticas no Turismo Rural, o Astroturismo e a Calidade Turística entre destinos, actividade cofinanciada pola Deputación da Coruña, dentro das axudas a entes de xestión turística da provincia concedidas á CMAT para 2023.

A delegación da CMAT estaba composta pola súa vicepresidenta e concelleira de Turismo en Dumbría, María Lema Santabaya; o tesoureiro e rexedor de Cabana de Bergantiños, José Muíño Domínguez; o secretario da Asociación de Profesionais do Sector Turístico da Costa da Morte (APTCM) e vogal na CMAT, Damián Álvarez; e Catherine García, do equipo da Secretaría Técnica da entidade.

“Este encontro serviu para o intercambio de ideas e para recoller boas prácticas aplicables na Costa da Morte, adaptándoas ao noso territorio e idiosincrasia”, destaca María Lema, vicepresidenta da CMAT, quen detalla que “a experiencia de coñecer outros modelos de xestión e proxectos turísticos sobre o terreo foi enriquecedora para todas as partes e permitiunos non só aprender destes, senón tamén espallar a marca Costa da Morte máis aló das nosas fronteiras”.

A visita comezou en Luarca, onde mantiveron un encontro coa presidenta da asociación Más Luarca Valdés, Delfina Pérez; o xeólogo e promotor do xeoparque Pizarras de Luarca, Alberto Urrusuno; a doutora en Astronomía e iniciadora do proxecto Allande Stars, Lucía González Cuesta; e Faustino García, do aloxamento de Turismo Rural e Astronómico L’Observatoriu. Con este grupo, intercambiáronse experiencias, éxitos e aprendizaxes na xestión e planificación do turismo de natureza no territorio, así como do emprendemento vencellado ao turismo astronómico, rural, xeolóxico e o ecoturismo. José Muíño considera que “este tipo de actividades enriquece a todas as partes, xa que tivemos oportunidade de trasladar como traballamos desde Costa da Morte no eido do astroturismo, como se acadou o distintivo de Destino Turístico Starlight e os pasos que estamos a dar tanto no ámbito da iluminación pública intelixente coma no da creación de actividades e produtos turísticos baseados no ceo e nas estrelas”.

O asociacionismo a través do Turismo Rural

Posteriormente, celebrouse un encontro con parte da xunta directiva da Asociación Rexional de Casas de Aldea (ARCA), integrada en OTEA Hostelería y Turismo en Asturias, para coñecer de primeira man a súa experiencia en torno ao asociacionismo. Participaron nesta reunión Jaime García, presidente de ARCA; Sandra Núñez, secretaria da asociación e outros representantes dos eidos do agroturismo, silvicultura, apartamentos rurais e casas de aldea.

A través das súas explicacións, púidose entender cales son os seus obxectivos como asociación, como traballan en coordinación co resto do sector e que tipos de actividades desenvolven para os seus socios, así como para xerar un impacto no rural a través do turismo. Damián Álvarez asegura que “foi moi valioso e práctico coñecer os inicios dunha asociación tan consolidada coma ARCA, e puidemos establecer conexións co momento tan importante que estamos a vivir actualmente en APTCM, onde continuar crecendo para gañar representatividade e poder conseguir máis vantaxes para os nosos socios e socias e para o desenvolvemento do turismo da Costa da Morte é crucial”.

Calidade Turística SICTED

Seguidamente, reuníronse en Xixón con Daniel Martínez, director de “Visita Xixón”; María Ángeles Alonso, da área de Desenvolvemento Empresarial; e Carmen Río, da área de Visita Xixón Profesional. A empresa municipal de Promoción Empresarial e Turística de Xixón é un referente na implantación do Sistema Integral de Calidade Turística, SICTED, ao que Costa da Morte acaba de adherirse este ano, polo que a CMAT puido coñecer de preto como naceu o proxecto en Xixón, como evolucionou, medrou e se transformou, ata derivar no que hoxe é Visita Xixón Profesional. Tamén se extraeron conclusións interesantes e consellos á hora de abordar as primeiras fases de implantación dun sistema de calidade nun destino. Así mesmo, afondouse no rendemento e beneficios que o empresariado turístico da cidade lle saca á adhesión como membros e en que proxectos están traballando.

Transformación Dixital

Para poñer fin ao día, a delegación da CMAT mantivo unha xuntanza con Vanina E. Posada, consultora turística asturiana con dilatada experiencia en formación e asesoramento en procesos de dixitalización do sector turístico, da que a CMAT puido recoller información sobre as necesidades e tendencias nesta liña.

Astroturismo

A reunión con Santiago Izquierdo, presidente da Sociedade Astronómica Asturiana OMEGA, pechou a Xornada de Intercambio de Boas Prácticas. Nela afondouse sobre as motivacións e necesidades deste tipo de entidades e das persoas afeccionadas á astronomía á hora de viaxar para a contemplación do ceo e doutros acontecementos astronómicos, información relevante para a CMAT logo de que a Costa da Morte fose certificada como Destino Turístico Starlight en xaneiro deste ano 2023.

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas