• A marcha percorreu 4 quilómetros polo núcleo e concluíu coa lectura dun manifesto conxunto dos oito concellos.
O Consorcio As Mariñas celebrou hoxe sábado 26 en Betanzos o seu IX Andaina contra a violencia de xénero, unha iniciativa xa consolidada que se enmarca dentro dos actos organizados para conmemorar o 25N, Día Internacional de Eliminación da Violencia contra a Muller.
Decenas de persoas animáronse a participar na marcha, que levou a cabo este ano en Betanzos. Consistiu nun roteiro circular, de 4 quilómetros, con saída e chegada no Edificio Liceo, pasando por diferentes rúas e lugares do municipio. Todos os asistentes recibiron un paraugas e unha botella de auga.
Na iniciativa participaron representantes políticos das distintas corporacións que compoñen o Consorcio As Mariñas. Acudiron á mesma o presidente do Consorcio, José Antonio Santiso; a vicepresidenta e alcaldesa de Betanzos, María Barral; a alcaldesa de Bergondo, Alejandra Pérez; o alcalde de Cambre, Óscar García Patiño; o de Carral, Javier Gestal; e diferentes edís e persoal técnico dos Concellos.
Ao seu termo, na aula de Cultura do Edificio Liceo, desenvolveuse o acto conmemorativo, coa lectura dun manifesto conxunto dos 8 municipios e unha actuación como broche final.
