Home A Coruña O Pleno aproba propoñer como adxudicataria á empresa Oreco Balgón para a...

O Pleno aproba propoñer como adxudicataria á empresa Oreco Balgón para a construción do Centro Socio Cultural

- Anuncio -

A Mesa de Contratación deu a máxima puntuación á oferta desta empresa, que agora deberá presentar a documentación pertinente nun prazo de 10 días hábiles.

Despois, o Pleno será de novo o órgano que terá que dar luz verde á adxudicación definitiva e, a partir de entón, iniciar as obras.

O Pleno da Corporación que se celebrou onte no Concello de Marín deu luz verde á proposta de adxudicación elevada pola Mesa de Contratación para a construción do Centro Socio Cultural.

A Mesa de Contratación, despois de avaliar por parte dos servizos municipais a parte técnica das dúas ofertas presentadas, abriu o sobre coa proposta económica e puntuou as dúas propostas recibidas.

Finalmente, a proposta de adxudicación recae sobre a empresa Oreco Balgon, cun prezo de adxudicación de 5.278.601,90 euros. Esta inversión está cofinanciada nun 80% polo Fondo Europeo de Desenvolvemento Rexional da Unión Europea e tamén conta coa financiación da Xunta de Galicia.

Agora, a empresa terá un prazo de 10 días hábiles desde que reciba o requerimento para presentar a documentación que se lle esixe para, en última instancia, xa tramitar a adxudicación definitiva.

Este trámite, pola elevada contía do contrato, terá que volver de novo ao Pleno da Corporación. A partir de entón, comezará a conta atrás para o inicio dunha das obras máis importantes para a nosa vila nos últimos anos.

Coa construción do novo Centro Socio Cultural, Marín dotarase dunha infraestrutura que lle permitirá dinamizar aínda máis a súa cultura local e acoller espectáculos e eventos de maior envergadura e de necesidades técnicas máis ambiciosas que ata o momento non se podían traer ao municipio.

A súa localización, na parcela portuaria anexa á Praza de España e á Escola Naval, cambiará ademais o aspecto e a ordenación do corazón urbano de Marín, renovándoo e apostando por aproveitar ese centro urbano, que vén de mellorar tamén no seu brazo de conexión co mar: o Paseo Alcalde Blanco.

A alcaldesa asegura que “estamos a piques de poder facer realidade a adxudicación deste contrato, despois de que tivéramos que adaptarnos a unha realidade, a da suba de prezos, que ninguén esperabamos”. Ramallo afirma que foi un camiño burocrático longo e difícil pero que “merecerá a pena para dotar finalmente á nosa vila do Auditorio que merece e que nos fará dar un salto de xigante a nivel cultural”.

Relacionadas

O Concello do Pino bloquea nas redes sociais ao voceiro do PSdeG local e...

0
O PSdeG local vén de denunciar a censura que practica o popular Manuel Taboada nas redes sociais institucionais do Concello do Pino, “redes sociais...

O Concello de Lousame volve reivindicar un Día das Letras Galegas para Diego Antonio...

0
Un ano máis, o Concello de Lousame reivindica a dedicatoria dun Día das Letras Galegas á figura de Diego Antonio Zernadas de Castro, máis...

O Camiño Inglés esperta gran interese entre os turoperadores e axencias de viaxe de...

0
O embaixador de España, Alfonso Dastis, recibe á delegación da Asociación de Concellos do Camiño Inglés e comprométese a facer esta ruta xacobea no...

Paula Carballeira Cabana recolle o IV Premio Laudamuco por “Dentes de coello”, “un intento...

0
A concelleira de Cultura destaca que “en 4 anos fomos quen de fomentar a redacción de máis de 170 pezas orixinais, cumprindo así o...

O Concello de Miño celebrou este ano o Día das Letras Galegas con xeado,...

0
O Concello de Miño celebrou este ano o Día das Letras Galegas con xeado, música e teatro. Desde as 12:00 horas, o Auditorio do...

O Concello celebra o Día das Letras Galegas cunha lectura pública de textos de...

0
O Concello da Coruña organizou esta mañá unha lectura pública de textos de Florencio Delgado Gurriarán para celebrar o Día das Letras Galegas. A...

Publicacións Relacionadas