Home A Coruña A EEI da Escravitude e Xoguetería Tatino gañan o concurso “Nadal na...

A EEI da Escravitude e Xoguetería Tatino gañan o concurso “Nadal na rúa 2021”

- Anuncio -

O xurado valorou a creatividade na ornamentación, a inclusión de elementos de identidade local e o emprego de materiais de refugallo ou eco-sostibles

Xoguetería Tatino, a EEI da Escravitude e os particulares Manuel Turnes Oliveira e Claudia Franco Cardama son os gañadores do concurso “Nadal na rúa”, nas cateogrías de empresa, asociación sen ánimo de lucro e particulares en casa e piso, respectivamente. O fallo do concurso foi dado a coñecer esta mañá pola presidenta do xurado e concelleira de Turismo, Lorena Couso, quen agradeceu a participación rexistrada e destacou que “o xurado valorou especialmente a creatividade na ornamentación, así como a utilización de materiais de refugallo ou eco-sostibles, así como a inclusión de elementos que resalten a identidade local de Padrón”.

Así, na categoría de empresas a gañadora foi Xoguetería Tatino, que recibirá un premio de 400 euros. Manuel Turnes Oliveira levará un premio de 250 euros na categoría de decoración en casa, mentres que Claudia Franco recibirá 150 euros como gañadora da categoría de decoración en piso. Finalmente, a creatividade do alumnado da EEI da Escravitude foi distinguida con 200 euros na nova categoría implantada este ano: decoración realizada por asociacións sen ánimo de lucro, colectivos, entidades culturais e centros educativos. As contías dos premios deberán ser gastadas no comercio e na hostalería local antes do 30 de xaneiro de 2022.

O xurado estivo presidido pola concelleira de Turismo, Lorena Couso Dopazo, e composto por María Castelao Fraga, experta en deseño e publicidade; Minia del Río Arca, xestora de proxectos turísticos; José Ramón Rey Otero, arquitecto da oficina de rehabilitación do Concello de Padrón; actuando como secretario Alberto Rey Castro, técnico de Turismo.

Lorena Couso agradeceu a colaboración de todas as persoas participantes no concurso pois “estades colaborando a enxalzar a beleza do rueiro e do patrimonio arquitectónico da vila de Padrón no Nadal, así como dinamizar a participación activa da veciñanza, do comercio, da hostalería e da restauración do concello para contribuír á imaxe global dun Padrón máis atractivo, tanto para os veciños e veciñas como para as persoas que nos visiten nesas datas”.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas