• O público pode escoitar ao alumnado e coñecer curiosidades dos instrumentos
A Escola Municipal de Música de Abegondo celebra unha semana moi especial. Son as súas audicións abertas, unha iniciativa que celebra anualmente para darse a coñecer entre os veciños do municipio.
As aulas da súa sede en Ou Salón énchense para escoitar ao alumnado interpretar as súas especialidades.
O profesorado tamén participa para dar información sobre os instrumentos, contando o seu proceso de fabricación e curiosidades.
A última xornada será mañá, xoves 20 de marzo, ás 19.00 e ás 20.00 horas. O acceso é libre.
O fin é difundir entre os asistentes o traballo da Escola, con grupos tanto de nenos e mozos como de adultos. A gaita, a frauta, o violoncelo, a trompeta, a guitarra española, a guitarra eléctrica, o piano, a batería, o xilófono, ou o clarinete son algúns dos instrumentos elixidos. E tampouco falta a interpretación vocal, outra das disciplinas.
O Concello de Abegondo anima aos veciños para sumarse á Escola Municipal de Música, unha iniciativa que funciona desde hai anos para o cultivo das habilidades artísticas.
