Xa está aberto o prazo de inscrición para asistir á función de A Galiña Xosefina, da compañía Trémola Teatro, que anuncia Biblioteca Municipal de Fene para o vindeiro xoves, 2 de outubro, ás 18 horas. Para anotarse cómpre facelo presencialmente ou por teléfono (981 342 302) no horario de apertura da instalación: de luns a venres, de 16 a 21 horas ou o sábado, de 10 a 13 horas. Aforo limitado.
O espectáculo está dirixido a nenos/as a partir de 3 anos e conta a historia dunha galiña, Xosefina,, que “vive moi feliz na granxa de Pepe con moitos animais: vacas, porcos, galiñas, coellos…. Cada día, o galo espértaos a todos para que se poñan a traballar. Pero un día, Xosefina decátase de que na casa de Pepe… usan os seus ovos para facer tortilla! Será capaz, a galiña Xosefina, de convencer ao resto dos animais e conseguir que todos se poñan en folga?”
Organiza: Biblioteca Municipal Xosemaría Pérez Parallé coa colaboración do programa Ler conta moito, da Xunta de Galicia.
