Home A Coruña A nova edición do programa "Outono de Contos" incluirá por primeira vez...

A nova edición do programa “Outono de Contos” incluirá por primeira vez lecturas educativas con cans

- Anuncio -

Tamén haberá cinco sesións de contacontos teatralizados nas tres bibliotecas municipais.

A nova edición do programa ‘Outono de Contos’, que o Concello pon en marcha cada ano por estas datas, incluirá cinco sesións de contacontos teatralizados e, por primeira vez, unha novidosa iniciativa consistente na lectura educativa con cans.

Este programa, que se vai levar a cabo nas tres bibliotecas municipais, pretende o triplo obxectivo de ofrecer aos nenos unha alternativa divertida para o seu tempo de ocio, favorecer a conciliación da vida persoal e laboral dos seus pais e, como aspecto central, fomentar a lectura entre os máis pequenos da casa.

‘Outono de Contos’ principiará o venres da próxima semana (30 de setembro) con Xogar e aprender galego mola! A miña familia é a mellor a cargo de Gema Pardo. Será desde as 18:00 h na biblioteca da Laracha e dirixido a nenos de entre 4 e 7 anos de idade.
O domingo 2 de outubro na Casa da Cultura da Laracha a partir das 12:00 horas ofrécese o contacontos para bebés Arrolos, de Mamá Cabra.

O venres 7 de outubro ás 18:00 h na biblioteca de Caión Sabela Gago realizará o contacontos O señor do Castelo, dirixido a maiores de catro anos.
Para ese mesmo público tamén está pensando o espectáculo A pequena gran inventora, de Trémola Teatro, que terá lugar o venres 14 de outubro desde as 18:00 h na biblioteca de Paiosaco.

O último dos contacontos será Toupiciencia, de A Xanela do Maxín, o venres 21 de outubro tamén a partir das 18:00 h na biblioteca da Laracha.
Lectura educativa con cans
O Concello pon en marcha esta novidosa iniciativa co obxectivo de mellorar as habilidades de lectura dos nenos mediante a intervención de cans especialmente adestrados para establecer con eles unha conexión emocional e relacionarse co lector segundo as súas necesidades.
Vai dirixida a rapaces de idades comprendidas entre os 5 e os 11 anos. Levarase a cabo na biblioteca de Caión (28 de outubro), Paiosaco (4 de novembro) e A Laracha (11 de novembro), sempre en horario de 17:30 a 19:30 horas.
Dado que as prazas son limitadas, nas lecturas educativas con cans requírese de inscrición previa, que é gratuíta, na biblioteca correspondente.

Relacionadas

Ana Lojo Chan presentou na Pobra o seu libro Marea Morta

0
Unha moza que reside en Edimburgo e chega a un pobo de Galicia para pasar unhas semanas cuns familiares dos que xa levaba anos...

O BNG apoia á veciñanza de Aguiño e anuncia accións ante a Valedora do...

0
Un numeroso grupo de veciños e veciñas concentráronse hoxe en Aguiño para mostrar o seu malestar que está xerando a reforma da fachada marítima...

O Campionato de España de MTB de policías locais celebrarase mañá na Coruña

0
A alcaldesa, Inés Rey, presidiu o acto de apertura desta competición que se celebrará este sábado na contorna de Bens A alcaldesa da Coruña, Inés...

O PP lamenta os nefastos resultados da Conta Xeral de 2021 do concello de...

0
Explican que a Conta Xeral de 2021 do Concello de Cambre lanza resultados totalmente insatisfactorios en canto á xestión do goberno local, pois dun...

Teresa Villaverde reúnese cos integrantes do Club de Fútbol Lousame, que nace cun equipo...

0
O seu presidente, José Ángel Luna, asegura que “é un proxecto a longo prazo” e anuncia que “o ano que vén empezaremos con Fútbol-8...

A Casa da Cultura de Lousame acolle ata o 30 de outubro a mostra...

0
Recolle 26 paisaxes de Lousame porque “pinto o que me gusta e agora estou coa paisaxe. E fáltanme moitas porque Lousame é precioso”, asegura...

Publicacións Relacionadas