Home A Coruña A Pobra estrea nova proba deportiva con compoñente solidario a favor de...

A Pobra estrea nova proba deportiva con compoñente solidario a favor de Anedia

- Anuncio -

Deporte e solidariedade únense na I Carreira Solidaria Móvete Pola Diabetes que terá lugar na Pobra do Caramiñal no 9 de xullo para conmemorar así o centenario da primeira inxección de insulina subministrada a un neno con diabetes tipo 1, no 23 de xaneiro de 1922, e que ata aquel momento era unha doenza mortal.

Preténdese así dar visibilidade e informar sobre a diabetes, que afecta a un 14% da poboación española, ademais de ser unha proba con índole benéfica a favor da Asociación de nenas, nenos e xente nova con diabetes (Anedia) que se organiza xunto coas Concellarías dos Deportes e da Sanidade, ademais da Deputación da Coruña, en colaboración coa Asociación de Atletismo e Deportes do Barbanza e a Federación Galega de Atletismo.

Ao acto de presentación asistiron a concelleira dos Deportes, Genoveva Hermo (Nós Pobra); a súa homóloga da Sanidade, Patricia Lojo (PSdeG-PSOE); a técnica municipal dos Deportes, Ana Romero; a presidenta da Anedia, María José Rego; e o presidente da Asociación de Atletismo e Deportes do Barbanza, José Moure.

O circuíto habilitarase no tramo de fachada marítima comprendido entre a praza Alcalde Segundo Durán e o peirao comercial. A cita arrancará a partir das 20.00 horas e comprende as categorías dende a sub-6 ata a máster 6, que deberán completa-la distancia que lles corresponda segundo a modalidade.

A saída establécese na rúa Fernández Albor e a meta no interior da referida praza, onde, coa colaboración de varias entidades, se desenvolverán de xeito paralelo as seguintes actividades, outorgándolle á carreira tamén un compoñente formativo: zona de control de saúde efectuada por persoal do Hospital da Barbanza e do P.A.C. pobrense; de nutrición; de saúde e fisioterapia; e de deporte e actividade física.

Poderán participar todas aquelas persoas que practiquen deporte, independentemente de que estean federados/as ou non. O prazo de inscrición permanecerá aberto ata o 6 de xullo a través da páxina web www.carreirasgalegas.com. Será de balde para as categorías menores e cun prezo de 6 euros para as adultas. Tamén se dispón do dorsal 0, para quen non poida participar, pero desexe igualmente face-lo seu donativo. O recadado irá destinado a subvenciona-los campamentos de verán organizados por Anedia.

Relacionadas

Fernández Munín destaca que “Galiforest tense consolidado en Boqueixón como o gran espazo de...

0
O alcalde de Boqueixón, Manuel Fernández Munín, participou esta mañá na inauguración da sexta edición de Galiforest Abanca, destacando que este evento “tense consolidado...

108 Baixada de Barcos de Papel Festa do Bosque 2022

0
A comisión organizadora da Festa do Bosque 2022 acordou convocar o «108 Concurso mundial de baixada de barcos de papel por auga doce», acontecemento...

A Concellaría de Educación destina preto de 300.000 euros ao Plan de Obras de...

0
O concelleiro de Educación, Rubén Prol, presentou a Plan de Obras que está previsto acometer durante a tempada de verán en distintos colexios públicos...

Maññá abrirase o prazo de inscrición no Servizo Municipal de Axuda á Conciliación para...

0
Ofrécese ao alumnado matriculado nos colexios do municipio.O Concello abrirá mañá venres a inscrición para solicitar praza no servizo de apoio á conciliación da...

Aberto o prazo de inscrición no Programa de Voluntariado Xuvenil de Protección Civil da...

0
O obxectivo é promover a participación social da mocidade. A Asociación de Voluntarios de Protección Civil da Laracha organizará un novo programa de voluntariado xuvenil...

Todos os sábados de verán haberá música na rúa en Santa Cristina, Santa Cruz...

0
O programa Música na rúa regresa un ano máis ás localidades máis turísticas de Oleiros. O Concello segue a promover o lecer e o...

Publicacións Relacionadas