Home A Coruña A rapazada de Moeche estrea este sábado o seu circuíto de educación...

A rapazada de Moeche estrea este sábado o seu circuíto de educación viaria

- Anuncio -

Logo dun ano cheo de traballo no deseño, planificación e pintado, chegou a hora de que a cativería de Moeche estree o seu novo circuíto de educación viaria. Será este sábado a partir das 12:00h nun pequeno acto de presentación ao que están convidadas todas aquelas persoas e entidades que colaboraron no proxecto dun xeito ou doutro. Un convite que tamén se estende ao resto da veciñanza que queira achegarse coñecer o trazado debuxado ao carón da Nave do Mercado.

O circuíto foi unha idea feita realidade a raíz das propostas recollidas no Consello Local da Infancia e a Adolescencia, o órgano co que se dotou o Concello de Moeche para dárlle voz e participación activa ás xeracións máis novas no deseño das políticas municipais, ben sexa as que lle afectan a todo o municipio ou aquelas dirixidas principalmente a este sector da poboación.

Alén da sinalización horizontal e vertical, o Circuíto Modestino -ese é o nome elixido polos pequenos, que tamén deseñaron o logo- dispón de cascos, chalecos reflectores e un par de karts de pedais mercados polo Concello para completar a experiencia neste novo equipamento, pensado como espazo de lecer e lugar para a concienciación das nenas e nenos como peóns responsables e futuras condutoras seguras.

O convite lanzado polo CLIA e o Concello tamén anima a que este sábado todo o mundo leve os seus vehículos sen motor: patinetes, bicicletas, triciclos, patíns, monopatíns… para simular na pista -respectando os sinais- moitas das situacións que se poden dar na vida real.
Ademais de rotondas, sinais de stop, cedas, rectas e curvas, o recinto tamén dispón de diferentes zonas de xogos como a comba, o twister, a mariola e ata unha zona de lectura ao aire libre.

Pola tarde, Alxibeira na Área recreativa de Soutogrande
A Asociación Veciñal Val de Moeche, coa colaboración do Concello e a Deputación da Coruña, programou para a tarde deste sábado a actuación da agrupación tradicional Alxibeira de Narón. Para asistir é necesario inscrición previa mandando un whatsapp ou chamando ao 622 916 160 indicando o nome e apelidos, o dni e o teléfono de contacto, xa que o aforo é limitado e cumprirá levar rexistro da asistencia. A cita comezará ás 18:00h.

E o domingo, última xeorruta do Toelo deste verán
Con esta visita guiada -a última da programación do verán- poderá coñecerse de primeira man un dos materiais ornamentais máis exclusivos que temos en Galicia, as serpentinitas ou toelo. Estas rochas, cunha fermosa cor verde, foron obxecto de explotación dende o século XIX en canteiras do concello de Moeche. Algunhas destas explotacións e os produtos finais do seu traballo (cruceiros, linteis, hórreos, escaleiras, etc.) poderán visitarse e contemplarse nesta xeorruta, que inclúe a entrada no castelo medieval. O itinerario comezará precisamente no Castelo ás 10:00h para encamiñarse logo ao monte da Caleira. Ao peche das inscricións confirmaran a súa asistencia un total de 15 persoas.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas