test
Home A Coruña A VI Mostra Internacional de Cinema Documental Mares da Fin do Mundo,...

A VI Mostra Internacional de Cinema Documental Mares da Fin do Mundo, organizada por primeira vez pola Asociación Cultural Mares da Fin do Mundo e patrocinada pola Deputación da Coruña, a Xunta de Galicia e o Concello de Outes

- Anuncio -

O mércores, 1 de novembro, tivo lugar a primeira xornada da VI Mostra Internacional de Cinema Documental Mares da Fin do Mundo, organizada pola Asociación Cultural Mares da Fin do Mundo e patrocinada pola Deputación da Coruña, o Concello de Outes e a Xunta de Galicia. Comprometida co medio mariño e o sector pesqueiro, procurando xerar conciencia sobre a necesidade de coidar o mar coma un dos recursos naturais máis valiosos que temos, a Mostra MDFDM é asinante do Pacto Cultura Sustentable, comprometido coa Axenda 2030 e cos Obxectivos de Desenvolvemento Sustentable (ODS).

Nesta primeira xornada, como xa viña sendo habitual nas anteriores edicións da Mostra, estaban programadas actividades de navegación no veleiro histórico Joaquín Vieta, nas embarcacións tradicionais da Asociación Terra de Outes así coma unha actividade de navegación para persoas con diversidade funcional, grazas á colaboración coa Asociación ADECO–DEA, entidade que promove o deporte adaptado para desfrutar da ría de Muros Noia. Lamentablemente estas actividades tiveron que ser suspendidas debido a razóns meteorolóxicas.

A inauguración oficial da Mostra tivo lugar ás 17:00 h nun acto celebrado no Salón de Actos da Casa da Cultura de Outes, na Serra de Outes. A continuación, proxectouse o filme inaugural desta VI edición de Mares da Fin do Mundo. O filme elixido para abrir a Mostra foi “Matria”, de Álvaro Gago (España/Galicia, 2023), unha obra de ficción baseada en feitos reais. O filme retrata a vida de Ramona nun pobo pesqueiro de Galicia, sumida nun contexto laboral e persoal tenso e precario, que tenta proporcionar un futuro mellor á súa filla Estrella. Do mesmo xeito, inaugurouse a exposición fotográfica “2222: o ano da serpe”, de Antonio Nodar. Un relato futurista sobre o cambio climático sustentado en imaxes actuais e construído coma unha alternativa visual de ficción no ano 2222, utilizando modificacións de cor e luz.

Ás 20:00 h, proxectouse a obra “A Taste of Whale”, do director francés Vincent Kelner (2022). Trátase do primeiro filme da sección Proa, na que se programan filmes e cineastas na vangarda do cinema da realidade, que nesta edición porá o foco na relación entre os humanos e os mamíferos mariños. Esta obra trata sobre o “Grind”, unha espectacular e sanguenta tradición de caza de caldeiróns nos fiordes das Illas Feroe.

A Mostra Internacional de Cinema Documental MARES DA FIN DO MUNDO está organizada pola Asociación Cultural Mares da Fin do Mundo, coa colaboración na dirección e produción de ABA Films e o apoio, entre outros, da Deputación da Coruña, a Dirección Xeral de Política Lingüística da Xunta de Galicia e o Concello de Outes. Así mesmo, MDFDM forma parte de Proxecta (Coordinadora Galega de Festivais de Cinema, integrada na federación estatal Pantalla).

Materiais adicionais dispoñibles no sitio web da mostra e nas redes sociais de Mares da Fin do Mundo (Facebook e Instagram). Tamén a petición no correo: comunicacion@maresdafindomundo.gal

Relacionadas

A Xunta e o Clúster Galego de Solucións Ambientais estudan fórmulas de colaboración para...

0
Avalían diferentes iniciativas dirixidas a dar a coñecer as novidades tecnolóxicas no ámbito das solucións ambientais, así como as últimas innovacións no eido da...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

A Xunta aborda coas federacións de transportes de viaxeiros por estrada os retos en...

0
― O conselleiro de Presidencia, Xustiza e Deportes, Diego Calvo, reunise xunto á directora xeral de Mobilidade, Judit Fontela, a representantes de Anetra-Galicia, Fegabus,...

Luis López anima ao alumnado da provincia a levar á practica as tarefas do...

0
O presidente provincial, acompañado polo deputado Javier Tourís, compartiu esta mañá de luns co alumnado do CEIP As Covas, de Meaño, aos que lle...

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

A Xunta recoñece o traballo decentros de Abegondo, Santiego, Poio e Vigo en prol...

0
— A directora xeral de Ordenación e Innovación Educativa, Judith Fernández entrega o recoñecemento ao Colexio CEIP Plurilingüe Seis do Nadal, de Vigo — Tamén...

Publicacións Relacionadas