Home A Coruña A Xunta adxudica por máis de 2,8M€ a instalación de paneis fotovoltaicos...

A Xunta adxudica por máis de 2,8M€ a instalación de paneis fotovoltaicos no almacén de combustible do Complexo de Sogama en Cerceda

- Anuncio -

— O contrato contempla a xestión integral de todo o proceso, desde a elaboración do proxecto de execución ata a remodelación total do tellado da nave

— A enerxía obtida a través desta modalidade destinarase ao autoconsumo da planta de Sogama, reforzando así a aposta da empresa pública polas empresas renovables

A Xunta, a través da Sociedade Galega do Medio Ambiente (Sogama), acaba de adxudicar por un importe de máis de 2,8 M€ a instalación de paneis fotovoltaicos no almacén de CDR (Combustible Derivado dos Residuos non reciclables) do seu complexo en Cerceda, o cal alimenta a planta termoeléctrica.

Máis polo miúdo, o contrato contempla a remodelación íntegra do tellado da nave e inclúe todos os traballos necesarios para levala a cabo: desde a elaboración do proxecto de execución ata a posta en marcha da instalación, que se configurará na modalidade de subministración para autoconsumo, posto que o complexo cercedense dispón de suficientes consumidores como para absorber o total da enerxía xerada.

En canto á nave obxecto da actuación, trátase dunha estrutura de planta rectangular, cuberta a dúas augas e cunhas dimensións aproximadas de 212 x 42 metros destinada a almacenar o combustible derivado dos residuos non reciclables e preparada para alimentar as caldeiras da planta termoeléctrica, na que se xera enerxía suficiente como para abastecer ao 12% dos fogares galegos.

Na cuberta da nave prevense dous campos fotovoltaicos distintos divididos por zonas e orientación da cuberta. Os módulos, que en todo caso deben ser de alta eficiencia e dispoñer de certificado de calidade, serán instalados coa inclinación de cada unha das augas, de tal forma que se adapten completamente á súa xeometría e non orixinen sombras entre elas. Así mesmo, a superficie dos paneis estímase en máis de 8.500 metros cadrados, cunhas 3.300 placas fotovoltaicas de alta eficiencia con potencia 1.982 kWp.

A conversión entre a corrente continua xerada polos paneis á corrente alterna con tensión adecuada para a súa conexión á rede de distribución do complexo, realizarase mediante unha serie de inversores distribuídos pola planta, de tal forma que se minimicen os percorridos de cableado de corrente continua.

O prazo de execución establecido no propio contrato é dun máximo de 30 semanas e dun mínimo de 20, e reflicte a aposta de Sogama polas enerxías renovables. Trátase, concretamente, dun dos proxectos enmarcados no seu plan estratéxico 2024-2030, o cal xirará en torno á dixitalización e descarbonización dos seus procesos, convertendo á enerxía solar fotovoltaica nunha peza fundamental do seu funcionamento.

Por último, cómpre lembrar que as tres plantas de biorresiduos que se atopan na rede de valorización da materia orgánica deseñada pola Xunta de Galicia e executada por Sogama, isto é, Cervo (Lugo), Verín (Ourense) e Vilanova de Arousa (Pontevedra), serán autosuficientes desde o punto de vista enerxético ao aproveitar, para a súa operativa industrial, a enerxía solar.

Relacionadas

A Xunta informa nunha xornada técnica sobre a nova normativa europea de máquinas que...

0
A xerente do Instituto de Seguridade e Saúde Laboral de Galicia (Issga), Adela Quinzá-Torroja, participou hoxe na apertura dunha xornada técnica en formato webinar...

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Publicacións Relacionadas