test
Home A Coruña A Xunta analiza co concello de Boimorto a instalación do quinto contenedor...

A Xunta analiza co concello de Boimorto a instalación do quinto contenedor para a recollida dos biorresiduos

- Anuncio -

Ambas administracións coinciden na súa preocupación polos prazos e as novas obrigas que suporá para as entidades locais a futura Lei de residuos estatal

A conselleira de Medio Ambiente, Territorio e Vivenda, Ángeles Vázquez, e a alcaldesa de Boimorto, María José Novo, analizaron esta semana o proceso de implantación no municipio do chamado quinto contedor, é dicir, o destinado á recollida separada dos biorresiduos domésticos.

No transcurso dunha xuntanza para abordar diversos asuntos de interese municipal, a responsable autonómica lembrou que se ben a xestión do lixo é unha competencia exclusiva dos concellos, a Xunta quere axudalos a cumprir coas súas obrigas legais, tendo en conta que deberán ter implantada a recollida selectiva dos residuos orgánicos antes do 31 de decembro de 2023, segundo marca a Unión Europea.

Neste sentido, a alcaldesa trasladoulle o compromiso do Goberno local coas súas obrigas en relación á separación dos residuos de orixe doméstica e, máis concretamente, coas relativas aos biorresiduos. De feito, cómpre lembrar que o municipio está adherido ao programa de compostaxe doméstica de Sogama desde o ano 2013, no marco do cal xa recibiu e repartiu entre a súa veciñanza 65 compostadores co fin de facilitarlles a xestión da fracción orgánica dos seus residuos.

Así mesmo, Boimorto tamén solicitou unha axuda para a implantación dun punto limpo móbil ao abeiro da convocatoria de subvencións 2020-2021 da Consellería para financiar actuacións en materia de residuos de competencia municipal. O importe solicitado para o camión no que se montará a instalación de recollida será de case 99.000 euros e unha vez estea operativo dará servizo tamén aos veciños de Curtis, Vilasantar e Sobrado.

Con relación tamén á xestión dos residuos, a conselleira e a alcaldesa falaron da Lei básica estatal en materia de residuos e solos contaminados, cuxo proxecto está nestes momentos en tramitación e ante o cal ambas recoñeceron a súa preocupación, xa que fixa criterios, obrigas e prazos para as entidades locais difíciles de abordar, técnica e materialmente.

Por ese motivo, tal e como lle trasladou Ángeles Vázquez, a Xunta presentou xa varias emendas á futura norma referidas, entre outras cuestións, ao establecemento a nivel municipal da recollida separada dos residuos perigosos de orixe doméstica ou ao censo de instalacións e emprazamentos con amianto que deberán elaborar os concellos.

Relacionadas

A Xunta apoia a Liga Galega de Traiñeiras con 25 equipos nas súas tres...

0
O conselleiro de Presidencia, Xustiza e Deportes, Diego Calvo, participou esta tarde na illa de San Simón no acto de presentación da competición de...

A Xunta apoia o transporte de mercadorías a través dun plaan estratéxico para impulsar...

0
A directora xeral de Mobilidade, Judit Fontela, participou hoxe en Lugo na clausura da asemblea xeral ordinaria da Asociación Empresarial de Transporte de Mercadorías...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

A Xunta pon en servizo o novo aparcadoiro disuasorio de Ribadumia con 77 prazas...

0
O orzamento desta actuación, coa que o Goberno autonómico segue a apostar por unha mobilidade máis sostible, elevouse a 540.000 eurosDiego Calvo destacou que...

Rueda destaca o peso do peregrino internacional no Camiño de Santiago e unhas rutas...

0
Fai fincapé en que antes de que remate xuño xa se superará a cifra de 200.000 compostelas, o que augura un novo récord anual...

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Publicacións Relacionadas