test
Home A Coruña A Xunta anima a Vilarmaior, Irixoa e Aranga a implantar iniciativas de...

A Xunta anima a Vilarmaior, Irixoa e Aranga a implantar iniciativas de compostaxe para converter os residuos orgánicos en compost

- Anuncio -

— Ángeles Vázquez lembra que a Consellería establece axudas para apoiar aos concellos rurais no impulso da compostaxe individual e comunitaria

— Invita a estes municipios da comarca de Betanzos a seguir fomentando o programa de compostaxe doméstica de Sogama, que xa chegou con 140 compostadores a Vilarmaior e con 135 a Aranga

A Xunta anima os concellos de Vilarmaior, Irixoa e Aranga a implantar nos seus termos municipais iniciativas que aposten pola compostaxe, co fin de xestionar os residuos orgánicos e convertelos en compost.

A conselleira de Medio Ambiente, Territorio e Vivenda, Ángeles Vázquez, e os tres alcaldes —Carlos Vázquez (Vilarmaior), Antonio Deibe (Irixoa) e Alberto Platas (Aranga)— mantiveron unha reunión na que abordaron as posibilidades das entidades municipais para implantar iniciativas coas que dar valor a estes refugallos urbanos.

Nese sentido, a conselleira trasladoulles a oportunidade de facer unha análise das necesidades actuais e de futuro, co fin de artellar una planificación a escala local e identificar as necesidades para atender este servizo.

Ao mesmo tempo, lembroulles que a Consellería habilita incentivos para axudar ás entidades municipais na xestión dos biorresiduos. Concretamente, a convocatoria de 2022, con 13,5 millóns de orzamento de fondos europeos, fixou dúas liñas, unha para a implantación do quinto contedor —o marrón— e a segunda para fomentar a compostaxe individual e comunitaria.

De feito, o Concello de Irixoa solicitou a través da segunda liña unha axuda por importe de algo máis de 6.000 euros que neste momento se atopa en tramitación.

Así mesmo, a conselleira indicoulles que para reforzar a confianza e a seguridade xurídica nas posibilidades que ofrecen as instalacións de compostaxe comunitaria, a Xunta está a impulsar un Decreto polo se desenvolverá o réxime xurídico destas actividades, para impulsar a súa implantación e emprego mediante a difusión das súas características, requirimentos e potencialidades.

A compostaxe comunitaria é aquela xestión dos residuos orgánicos domésticos, producidos nos fogares, restaurantes ou servizos de restauración colectiva, tratados nunha instalación común —creada para o efecto—, coa que se pretende acadar un recurso para empregalo como fertilizante ou substrato de cultivo.

Por último, sinaloulles que este tipo de instalacións serán complementarias ás iniciativas nesta materia que promove Sogama, que leva anos impulsando o programa de compostaxe doméstica. Precisamente, xa entregou, de forma gratuíta, 140 compostadores ao Concello de Vilarmaior e 135 ao Concello de Aranga, e invita á entidade local de Irixoa a unirse a este plan.

Na actualidade, a rede de Sogama está formada por máis de 18.000 composteiros domésticos presentes en 220 concellos, 156 centros educativos e 28 colectivos sociais.

Relacionadas

A Xunta apoia a Liga Galega de Traiñeiras con 25 equipos nas súas tres...

0
O conselleiro de Presidencia, Xustiza e Deportes, Diego Calvo, participou esta tarde na illa de San Simón no acto de presentación da competición de...

A Xunta apoia o transporte de mercadorías a través dun plaan estratéxico para impulsar...

0
A directora xeral de Mobilidade, Judit Fontela, participou hoxe en Lugo na clausura da asemblea xeral ordinaria da Asociación Empresarial de Transporte de Mercadorías...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

A Xunta pon en servizo o novo aparcadoiro disuasorio de Ribadumia con 77 prazas...

0
O orzamento desta actuación, coa que o Goberno autonómico segue a apostar por unha mobilidade máis sostible, elevouse a 540.000 eurosDiego Calvo destacou que...

Rueda destaca o peso do peregrino internacional no Camiño de Santiago e unhas rutas...

0
Fai fincapé en que antes de que remate xuño xa se superará a cifra de 200.000 compostelas, o que augura un novo récord anual...

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Publicacións Relacionadas