Home A Coruña A Xunta aproba a creación de 24 prazas de funcionarios para os...

A Xunta aproba a creación de 24 prazas de funcionarios para os tres novos Xulgados do Social na Coruña, Lugo e Vigo

- Anuncio -

Cada un dos tres xulgados contará cun cadro de persoal de 2 xestores, 4 tramitadores e 2 auxilios, que concentran o 85% do custo da posta en funcionamento destes órganos xudiciais con máis de 722.000 euros

O Goberno galego investirá en total 850.000 euros no xulgado nº4 en Lugo, o nº7 da Coruña e o nº7 de Vigo, tanto en gastos de persoal como na dotación de mobiliario e material informático

A Xunta vén de aprobar a creación de 24 prazas de funcionarios para garantir a entrada en funcionamento dos tres novos xulgados do Social, o nº 7 da Coruña, o nº 4 de Lugo e o nº 7 de Vigo o 31 de marzo.

Cada xulgado contará cun cadro persoal de 2 xestores, 4 tramitadores e 2 auxilios co obxectivo de asignar a estes órganos xudiciais dos postos necesarios para dotalos dunha plantilla suficiente para desenvolver as súas funcións. Isto supón en total 6 prazas de xestores, 12 de tramitadores e 6 de auxilios, (tal e como o Goberno galego informou ao Consello Xeral do Poder Xudicial (CXPX), ao que remitiu a solicitude de informe para a súa creación). O nomeamento de xuíces, fiscais e letrados da Administración depende do Ministerio de Xustiza.

A Xunta investirá 850.000 euros na creación destes tres novos xulgados, da que a maior parte -case o 85% con máis de 722.000 euros- corresponde ao custo do persoal. Ademais, o investimento completarase coa dotación de mobiliario e material informático.

A posta en marcha destes xulgados foi aprobada polo Ministerio de Xustiza tras a petición da Xunta consensuada co Tribunal Superior de Xustiza de Galicia a través da Comisión Mixta de Xustiza. O Goberno central aceptou este ano a creación dos tres tribunais propostos, mentres que en 2019 a Xunta xa reclamara novos xulgados en Vigo, Santiago de Compostela e Lugo e o Ministerio só aceptara os dous primeiros.

Os tres órganos comezarán a funcionar o 31 de marzo, tal e como deu traslado o pasado mércores o Ministerio de Xustiza, só dous días despois de que a Xunta manifestara o seu desacordo pola decisión que unha semana antes –o 2 de febreiro- o Goberno central tomara para adiar a súa entrada en funcionamento tres meses ata o 30 de xuño.

A Xunta considera prioritario a posta en funcionamento destes órganos xudiciais para axilizar e aliviar a carga de traballo da xurisdición do Social, que atende casos de Ertes ou despidos e, polo tanto, de relevancia para as familias afectadas polas consecuencias económicas da covid-19.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas